Laimi nih dawtnak kan langhter Ning Part I

Laimi hi zeitluk in dah midang dawt le khual dawt nan lungput kan ngei..

 Image result for neighbourhood image

Laimi cu dawtnak phung dawh ngai a ngei mi kan si. Miphun dang nih an ngeih lo mi, kannih i kan ngeih mi a tam pah men  lai. Kan i dawtnak hi a hme bik ah aar pakhat zong in kan i daw i, a pipa lei ah cun sia hmanh in kan idaw, a karlak cu chim cawk lo, vok in ai dawmi zazat, caw ai thahmi zazat an si rih. Cu lawng a si lo, cite keukhat le tirawl khiatkhat zong in kan idaw. Miphun dang nih an kan tluk lai lo tiah kan chim ngam ko lai. Dawtnak cu a kauh tuk ca-ah kan òial cawk lai lo, a tawinak tu in langhter kan i zuam lai.

Image result for Love Image

Khual òihzah deuh kan ngeih tikah aarpi ti-lio kan thah ko. Cun khuami zaaraan ca i thil pipa a tuah mi cu sia tiang an thah ko hna. Kan chim cang bantuk in khuachingchan tlawn tikah dawtu nih vok thah a um i, caw thah zong a um. Anmah nih sa an i phurh khawh lo hmanh ah khua tiang an thlah hna. Dawtnak ti mi cu patkhat lawng i a kalmi a si lo, kutleh phung a si. Kutleh lo ahcun thang chiat a fawi. A rak daw hmasami nih kutleh kha an i ruahchan mi a si lo nain, a phung deuh in a kal.

Dawtnak timi hi a chan le a caan hoih in kal a hau. Cun kanmah ti khawh tawk in  tuah ding a si. Hawi nih tuah cio hna ti phun in kan titvun zawh lo tiang va tuah zong kha hruh bia a si ve. Mirum pa nih cun nauchuak zong siapi kikawng in a zoh ko lai. Zaraan nih cun aar pahnih thum te in kan tuah awk a si ve ko. Asinain mirum nih sia cu fawi tuk in that hmanh seh law a òha cu a si hnga lo, phorhlawt ah an chiah ko lai. A pipa bik ah vok a za ko.

Be the first to comment

Leave a Reply

Your email address will not be published.


*