Laimi nih dawtnak kan langhter Ning Part II

 

Dawtnak nih siaherhnak, zawnruahnak le hnaakkartenhnak hna hi a hrin. Buhhlawh tehna hi dawtnak lak ah iang-ai a ngei ngaite. Biana ah innkhat hna cu an khuasak a har pah in an hmuh hna ahcun rawltuan ah an sawm hna. Rualòuan an bawmh ve hna i, lo ngei nih a lak in facang taangkhat maw a tam deuh maw nihlawh a leen rup in buh a barh hna. Bawmh lo lam ah cun an hmuncia ah buhbarh cu a um ve lo. Buh hong kan hlawh u a titu an um ahcun i lawmh tuk ding a si ko.

Related image

Cun dawtnak sunglawi phunkhat cu hnukchuak peek a si. An tule nauthar an ngei ti ko usih. An pu le nih chang an deen, aar pahnihthum an thah i zaanlei nitla hrawng ah nureel in nu pahnih nih buh le sa le chang an ra peek hna. Hlan ah cun zureu an rak dinh ve hna. A tu ah cun lakphak an rak dinh hna. Cu tikah anmah he aarsa a ei òi tawnmi an unau chung hnih hrawng kha an va kawh hna i zaanriah an i hrawm. Aar a thahtu an pi le an pu thangòhat an co hlei ah an unau he pu le pi aarkhokheeng an i hrawm thawng in u le nau karlak ah dawtnak hri a fek chin lengmang ve. An pule zong kha an i relrem tik ah an kut an leh ve òheo hna. Hi bantuk dawtnak hi Khrih nunphung chirhchan in an phihnak tam ko hmanh sehlaw, dawtnak thiangte a si ko ca-ah Khrihfa nih kan i ngeih òhiamòhiam ah a òha ko lo maw. Zei ca-ah tiah Pathian cu dawtnak a si.

Be the first to comment

Leave a Reply

Your email address will not be published.


*