Laimi nih dawtnak kan langhter Ning

Laimi hi zeitluk in dah midang dawt le khual dawt nak lungput kan ngei..

 Image result for love images

Laimi cu dawtnak phung dawh ngai a ngei mi kan si. Miphun dang nih an ngeih lo mi, kannih i kan ngeih mi a tam pah men  lai. Kan i dawtnak hi a hme bik ah aar pakhat zong in kan i daw i, a pipa lei ah cun sia hmanh in kan idaw, a karlak cu chim cawk lo, vok in ai dawmi zazat, caw ai thahmi zazat an si rih. Cu lawng a si lo, cite keukhat le tirawl khiatkhat zong in kan idaw. Miphun dang nih an kan tluk lai lo tiah kan chim ngam ko lai. Dawtnak cu a kauh tuk ca-ah kan tial cawk lai lo, a tawinak tu in langhter kan i zuam lai.

Image result for love images

Khual tihzah deuh kan ngeih tikah aarpi ti-lio kan thah ko. Cun khuami zaaraan ca i thil pipa a tuah mi cu sia tiang an thah ko hna. Kan chim cang bantuk in khuachingchan tlawn tikah dawtu nih vok thah a um i, caw thah zong a um. Anmah nih sa an i phurh khawh lo hmanh ah khua tiang an thlah hna.

Related image

Dawtnak timi hi a chan le a caan hoih in kal a hau. Cun kanmah ti khawh tawk in  tuah ding a si. Hawi nih tuah cio hna ti phun in kan titvun zawh lo tiang va tuah zong kha hruh bia a si ve. Mirum pa nih cun nauchuak zong siapi kikawng in a zoh ko lai. Zaraan nih cun aar pahnih thum te in kan tuah awk a si ve ko. Asinain mirum nih sia cu fawi tuk in that hmanh seh law a tha cu a si hnga lo, phorhlawt ah an chiah ko lai. A pipa bik ah vok a za ko.

 

Dawtnak nih siaherhnak, zawnruahnak le hnaakkartenhnak hna hi a hrin. Buhhlawh tehna hi dawtnak lak ah iang-ai a ngei ngaite. Biana ah innkhat hna cu an khuasak a har pah in an hmuh hna ahcun rawltuan ah an sawm hna. Rualòuan an bawmh ve hna i, lo ngei nih a lak in facang taangkhat maw a tam deuh maw nihlawh a leen rup in buh a barh hna. Bawmh lo lam ah cun an hmuncia ah buhbarh cu a um ve lo. Buh hong kan hlawh u a titu an um ahcun i lawmh tuk ding a si ko.

Image result for love images

Cun dawtnak sunglawi phunkhat cu hnukchuak peek a si. An tule nauthar an ngei ti ko usih. An pu le nih chang an deen, aar pahnihthum an thah i zaanlei nitla hrawng ah nureel in nu pahnih nih buh le sa le chang an ra pek hna. Hlan ah cun zureu an rak dinh ve hna. A tu ah cun lakphak an rak dinh hna.

Image result for love images

Cu tikah anmah he aarsa a ei ti tawnmi an unau chung hnih hrawng kha an va kawh hna i zaanriah an i hrawm. Aar a thahtu an pi le an pu thangòhat an co hlei ah an unau he pu le pi aarkhokheeng an i hrawm thawng in u le nau karlak ah dawtnak hri a fek chin lengmang ve. An pule zong kha an i relrem tik ah an kut an leh ve òheo hna. Hi bantuk dawtnak hi Khrih nunphung chirhchan in an phihnak tam ko hmanh sehlaw, dawtnak thiangte a si ko ca-ah Khrihfa nih kan i ngeih òhiamòhiam ah a òha ko lo maw. Zei ca-ah tiah Pathian cu dawtnak a si.

Be the first to comment

Leave a Reply

Your email address will not be published.


*