Hlasak thiam Justin Bieber a nu cu zohchunh awk tlak nusal bak a si , a sining hi mi tampi nih cun rak i than pi hi a har ko lai

Vawlei cung minthang Justin Bieber tiahcun a thei lomi kan um lai lo dah! Pop siangpahrang pakhat a si , teinak a hmuh le a minthang hi a nu ruang ah a si tiah cun a palh lai lo . Asinain a nu simi nih a nunnak ah zeitluk harnak dah a rak ton mi zaangfak tuk a rak si .

Justin nu Pattie Mallette cu lung der/fak tuk , sifak tuk le fahnak tampi tuar in a rak thang mi a si . A hngakchiat lio i a temin mi hi a fak tuk , kum thum a si ah a pa nih a rak hlonh , a pa ei nih kum (5) a si ah a rak tlaihhrem , a rak chim ngam lo . Cu hnu ah lungrawk in sii tha lo, zuu he i ciah in a lungfahnak cu a rak i hnem i amah le mah thah tiang in a rak i tim balmi a si .

Justin pa simi Jeremy he kum (17) a si ah Justin cu a rak pawi , kum tling loin nau pawi ruang ah pawngkam nih phiat ding in an rak fial , a rak i phiat duh lo .

Justin a ngaih hnu in tlawmpal ah an pa nih a rak mak. A nu le pa bawmh hal in Justin cu an rak cawm . A fa cawm pahin sianginn a rak kai . Justin umh pahin halftime in rian a tuan , a hmuh mi in sianginn a kai pah , degree tiang a lak khawh .

A fapa cu guiter, drum lei a duh kha a theih piak , kum (6) a si ah lam kam ah Justin cu hla a rak sa, Dollar tampi a rak hmu . A fapa zuam mi cu hmai ah a chiah piak i 2007 ah hlasak nak lam ah a kal ter . Justin kum (12) a si ah a nu nih a konglam vialte cu a chimh dih i a mah bantuk si lo dingin tampi a cawnpiak .

Justin kum (18) a si hlan cu tlangval zong a ngei lo , pasal zong a ngei lo . Justin kum (21) si hnu ah duhmi pakhat dang a ngei ve cang .

2012 kum ah Justin nu nih Nowhere but Up timi a sining , harnak kong pawl cu cauk in a tial i New York Time ah zuar bikmi cauk pakhat a si .

Nusal tha a si nak , a ralthatnak , a zuam nak , a lungthin picalnak cu nu kip nih thangthat lo awk a tha lo , zohchunhtlak nu a si , Justin Bieber bantuk in vawlei cung minthang ah a chuah ter tu nu cu nu tha a si tiin an thangthat .

Em Em(Auntymay)

Be the first to comment

Leave a Reply

Your email address will not be published.


*