Lai Holhthup le Biatahchun (chim kem bia)..Part (I)

Lai Holhthup le Biatahchun (chim kem bia)..Part (I)

1.. A caneuh ( a- ca- neuh)

Chuk le cho tumkai tik ah kan khukhliah aa long I, khuk a dir khawh set ti lo khi.

2.. A calpalaidar ah khen

Biachim, asiloah, catial tik ah chimhnawh mi le tialhnawh mi muru khen khi asi.

Image result for proverb

3.. A cep na sol lai

Ralring tein biachim le riantuan I zuam, na palh sual lai, tinak asi.

4.. A lettalam kawlrawn tlawng

Rian a ningcang lo in tuan. Mah duh sahlam in um khi asi.

5.. A paw ah perh

Biaki le bianek in va cei seh tiah mi va tihnawh khi asi.

Image result for chin traditional dress

6.. Aa dorlap ( aa-dor-laap)

Ai dorlap ti zong asi; thiamthil ban mi hri a dor le a rengh aa rual lo mi khi asi. Minung kan thapet zawn aa hninhsaih tawn khi.

7.. Ai zawng daideh

Zawng nih dai a deh tik ah a phoih thiam ti lo I , a pum aa tonghnak paoh ah dai aa neh lengmang. A sullam cu, rian maw thil pakhat khat maw sualsarokter dih khi a chim duh mi asi.

8.. A nap nalo (ah) Mangdum lukuai

Midang sual ruang ah a sual lo mi minung tu fahnak va pek khi si..

Image result for cock

9.. Aar le Thlaiberh kawi tlaih in

Saram tuanbia ah aar le thlaiberh an I kawi I an I daw tuk, an ti. Aa nih thlaiberh kha a hmul a thenh, thlaiberh nih Aar kha kaite le mupi ral a venpiak ve. A sullam cu , aa daw ngaimi hawi le kom, kawi le dua tinak asi.

10.. Aar-ek pato

Nungak, tlangval lung va theih hnik lio can, nih le kheh duh saling, ningzah van theihka hrawng te khi a chim duhmi asi..

Laknak: lai holhthup le biatahchun

Tialtu: B Chan Khar

Be the first to comment

Leave a Reply

Your email address will not be published.


*