Vawleicung Nu lak ah aidawh bik tiah thim mi minung (30)..

Minung pakhat le khat kan i lawh cio lo bantuk in an i dawhnak zong hi an i lo cio lo, asi nain vawleicung mipi hna nih ai dawh tiah an thim mi hna an si. Nangteh hodah ai dawh bik na ti ve.

 

30 MOZHDAH JAMALZADAH

Mozhdah hi Afghanistan ram mi asi nain ramchung ral ruang ah a ngakchiat tein a nu le pa nih Canada ram ah an rak zam pi i, atu Hlasa minthang ah ai chuah, a minthannak hla cu “Afghan Girl” timi hla in a minthang mi nu asi.

29 ALICIA VIKANDER

Alicia hi Swedish lemcangthiam le Ballet lamthiam mi asi hi minung tampi nih an rak thei lo, Extremely talented in a min zong thang taktak mi pakhat asi. The Danish Girl timi in Academy award  laksawng zong a ngah cang mi asi.

28 TARANEH ALIDOOSTI

Movies a zoh pah lengmang mi nih cun hodah asi timi cu nan theih pah cio men ko lai dah, Taraneh hi Iran miphun asi i, Iran miphun chung in lemcangthiam bik ah an thim mi asi. A lemcang thiam nak cu  mipi zong nih an thangthat ngaingai mi asi.

27. NAOMI CAMPBELL

Naomi hi cu midah he tahchunh awk tha lo in ai dang ngaimi asi. British Model minthang pakhat asi i atu cu kum 47 si ve cang nain atu tiang zong a duai rih lo mi nu asi.

26. ANNE CURTIS

Anne hi kum 32 asi cang nain hohmanh nih kum 32 asi lai tiah an zumh bak lo mi muidawh asi. Filipino le Australian cawh asi i, lemcangthiam minthang taktak asi, TV biachimtu ah hmuhkhawh lengmang mi asi, a mi zoh hi zapi nih an celh bak lo mi nu asi.

25. MANUELA ARCURI

Manuela hi cu lemcangthiam nak hmanh in princess a lo deuh an timi asi, Vawleicung model minthang pakhat asi i , kum 1977 ah a chuak mi asi, a upa ngai cang nain a body te pawl cu a mak taktak rih mi asi.

24. RONDA ROUSEY

Rousey hi cu nan theih tuk cio ko lai, boxing zong ai thong mi asi i, wrestling zong ah ai thua chih mi asi. Boxing thongh zong ah a tthawng bak mi asi i, wrestling zong ah cu thiamthiam.

23. ELIZAVETA BOYARSKAYA

Elizaveta hi cu Russia lemcangthiam minthang taktak mi pakhat asi ve. A nu le pa zong nih an  zoh thla ngaingai mi asi, a thiamnak hi khuaruahhar in a hmang thiammi nu asi.

22. AISHWARYA RAI

Kan pawng te ah a um mi India nungak asi,  a muidawh nak le iang hna nih Pa zapi zaran cu a uaiter ko hna, ai dawhnak kong chim hi vawlei dongh tiang a dai lai lo tiah an timi nu pakhat asi ve.

21. KATE UPTON

American Model lak ah minthang taktak mi pakhat asi, Rai nih a thli tein ka date sehlaw kan dl cu ka kal tak bak lai tiah ati tu hi an tlawmte lo ti asi. A minthang nak cu Sport Illustrated SwimsuitIssue in asi.

20. HAIFA WEHBE

Arabic pop hlasakthiam minthang taktak asi, a mah cu People Magazine nih kum 2006 lio ah vawleicung muidawh minung 50 an rak thiam lio ah ai tel ve mi nu asi. Atu cu kum 41 a tling ve cang.

19. ADRIANA LIMA

Vawleicung model minthang taktak mi asi, kum 35 asi cang fa zong 2 a ngei cang, a pumrua dawhnak le that nak cu atu tiang hi model atam u nih cun an tluk bak rih lo mi nu asi.

18. AMANDA CERNY

Model minthang taktak asi, The Vine le Youtube star minthang asi, a zeidang nak hmanh in a mui le sam, ahhin cun celh awk tha lo bak in dawhnak ai ngeih mi asi. A rian ah teimak tein a tuanmi nu asi.

17. BLAKE LIVELY

Vawileicung dawh vial te a tlinh tiawk tluk in ai dawh mi nu asi, nu cheukhat fa zong a ngei cang nain, ai dawhnak hi a ziam kho hrim lo, a nih le bang ahcun a thin hung mi zong an thinhun nak a tlau ter khawh dih hna ti tiang in an timi asi.

16. GAL GADOT

Israel lemcangthiam minthang taktak asi, a minthan nak cu kan uar ngai mi Fast and Furious timi  vawleicung ah minthang ah ai chuah. Lemcang a tuan hlan ah Israel ralkap kum 2 bak a rak tuanmi nu asi.

15. ASHLEY GRAHAM

Atu lio model lak ahcun uar taktak mi nu asi, Ashley hi lemcang a voikhatnak bik ah aitel khawh nak cu Sport Illustrated Swimsuit Issue le Vogue pawcuang hna in vawleicung minthang ah ai chuah ve mi asi.

14. NIKI KARIMI

Muidawh pumruatha minthang taktak asi, nain a nih hi lemcang thiam lawng si loin Director le screenwriter zong asi chih. Lemcang lei zong ah khuaruah har in a thiam mi asi.

13. GIGI HADID

Gigi hi Model minthang Bella Hadid i a nau asi, hlasakthiam Zayn Mali di a dawtmi zong asi. Kum 2016 chung ah  International Model of The Year asi. Muidawh lei ahcun vawleicung dirhmun in 13 nak ah a um lio asi.

12. EMMA STONE

Samsen he cun vawleicung ah amak nak in ai tlak deuh mi an um ti lai lo tiah an ti. Lemcang a thiam ning hi khuaruah har lei bak asi ko, a thiam zong a thiam bak an ti mi asi.Golden Globe Award zong a hmu cang mi asi.

11. PIA WURTZBACH

Kum 2015 lio ah Miss Universe asi. A nih hi Filipino le German cawh asi i model zong asi i, lemcang lei zong ah rian a tuan cuahmah mi asi. Muidawh nih hin mi an hip bik ko rua.

10. ALEXANDRA DADDARIO

A mit ahhin khuaruahhar asi mi cu, tih zong a nung nain a mit ahhin mi tampi cu an celh lo, kum 31 asi cang nain kum 18 tluk hrawng hrang  bantuk in a nonal peng rih mi model pakhat asi.

9. FAHRIYE EVCEN

Middle eastern ramchung ahcun a mak taktak mi asi ve. Turkey ram lemcangthiam minthang taktak asi, a nih hi TV series lei deuh in a minthang mi asi. German chuak asi nain kum 19 asi ah a laihritan nak ram ah a kir than mi asi.

8. ANGELINA JOLIE

Mah nu hi cu nan theih dih cio mi kha asi ko. A kum rup lo in ai sawh bik asi lai tiah an ti mi asi ve, movies lemcang thiam hna lak ah min langsar taktak mi pakhat asi. Fa 6 a ngei cangmi asi.

7. MARGOT ROBBIE

Australian lemcangthiam asi, nain a nih hi America an i thial hnu ah biatak tein a minthang mi asi, a muidawh lawng si lo in a thli zong mak taktak in a tha an timi asi.

6. DEEPIKA PADUKONE

Indian Bollywood lemcangthiam minthang taktak asi, model zong asi i a riantuan nak ah teinak tam taktak zong a hmu cangmi nu asi. Kum 2006 in a nih hi biatak tein a langsar mi asi.

5. DAKOTA JOHNSON

Vawleicung lemcangthiam lak ah a hot bik mi asi lai tiah an timi nu asi, Fifty Shades of Grey timi in minthan hram ai thok ve mi nu asi. A tungtai rem si, a mittial dawh si pa ta u cu a hloh bak ko hna hih.

4. EMMA WATSON

A nih hi Harry Potter movies in minthang ah ai chuah mi asi, fapa ngeimi hna paoh nih an fapa caah an duh viar cio lai ti tiang in an timi muidawh asi, an chim ning le bang ahcun a zia zong that pah dawh asi.

3. TAYLOR HILL

Supermodel minthang taktak bak asi, a ca hrang ah na duh mi chim law na duh mi cu a tlinh khawh lai tiah tiang in an ti mi asi, a rian zong ah teimak taktak in a tuan mi asi, a cheu nih cun vanmi ti tiang in an tip hah.

2. PRIYANKA CHOPRA

Nan theih dih cio men ko lai dah, Indian miphun asi i tuchan ahcun muidawh lei in vawlei a uk ti khawh zong asi, ai dawhnak nih vawleicung pa cu khuaruah har bak in a chiah hna ti khawh asi.

1. BEYONCE

Tutan ah aidawh bik tiah antimi  cu Beyonce asi, nungak cu a si ti lo, faphir zong a ngei cang mi asi. A nih hi tamh chom le surgery tuah chom lo in mah kokek bak in aidawh mi nu asi.

laknak:

Be the first to comment

Leave a Reply

Your email address will not be published.


*