Lawmh nak hi phaisa in cawk khawh asi lo

America ram New York khua i um mi Times Building ti mi tadinca tuahtu(riantuan) nak a um. Cuka ahcun rian tuan mi antam ngai, Ogden ti mi tadinca tial tu pa zong atuan ve. Anrian atha, an nihlawh le atam, zeihmanh lawmhnak hmuhnak dingah adawntu ding aum lo.

Related image

America ram chung thluachuah nak le nuamhnak vial te cu an ta asi ko. vawleicung i khuazei hmanh ah hi hmun tluk in nuamh le hnangamnak ahmunhnak ding hmun aum ti lo. Sihmanhsehlaw a khuaruah ahar ngaingai mi cu kha inn chung i atuan mi a zoh hna tikah an i lawm lo, an phun an zai, an thin ahung, an i si, an i mawh chiat i pakhat le pakhat an i congoih hna kha ahmuh.

Image result for happy people

Pathian nih thluachuah tampi in apekmi hna kha an zoh philh i, a nuamhnak le hnangamnak aum bik tikha an ruahnak ah hin arak um hrim lo ti kha alung a hung pem. Lam i mawtawka onh thawnh le mi thawri cu khaan chung cu a hung lut pah.

Related image

Cu lakah cun heh tiah seh in catial mi hna catial thawng he an i ceih mi thawng le phone onh thawng cu ahun i cawh. Hi baktuk buaicur i an um lio ah ahohmanh nih an ruah manh lomi cu lawmhnak timi hi tangka ngeih le thil ngeih lawng nih hin achuahpi kho lo ti kha fiang chin lengmang in a hun hngalh.

Image result for happy people

Ogden nih a zoh lengmang hna tik ah alung i ahung chuakmi cu, hi hna nih hinĀ Bawipa Jesuh nih arak chimmi bia, “minih hin vawlei pumpi hi cohmanh sehlaw anunnak asungh tung ahcun a caah zeihmanh athahnem lo”, timi kha hngalh hna sehlaw cu an ilawmhlonak le an ingpuannak, pakhat le pakhat an i congoihnak hi alo ko hnga ti hi asi.

Image result for happy people

lawmhnak timi hi lenglei thil ruang lawng hin arak si kho lo i chunglei kan sining ataktak ruang tu ahhin asi deuh ati. Cu caah Ogden nih ka rian hrimhrim asi tiah ahun i ruahmi cu,anchung lei sining ruang lawngah lunglawmhnak an hmu lai ti hngalhter hna kha asi. Cucaah a cafung cu a lak i tadinca ah cun ti hin atial :

Image result for happy people

” atulio tlukin mi nih zeitindah lawmhnak kan hmuh khawh hnga ti an kawl caan a um bal lo. Lawmhnak kan hmuh khawh nak hnga tiin an inn thatter an i zuam hna, tangka tam deuh hmuh tung in zeitindah an rian an awl deuh hnga tinak lam akawlmi an si.

Image result for happy people

Sihmanhsehlaw lawmhnak cu an dawi deuh paoh le chuncha bantukin aa thawn deuh lengmang ve. Cucaah alam an i palh ko rua, angaingai ti ahcun lawmhnak hi afawituk caah an hmuh lo asi rua, ahmuhnak ding lam hi kan kutdong zathmanh a si rua lo.

Image result for happy people

Cu lam cu hihi asi ko: lawmhnak hi chunglei in ahung chuakmi asi i, fek tein a umnak hmun cu nunning ziaza tha i nun le chiatha thleidannak athiang i nun hi asi. Lawmhnak i aral ngan bik mi cu mah zawn lawng ruahnak hi si i midang va lawmhter lawng ah hin mah zong i lawmh khawh asi.

Related image

Cucaah cun midang kan lawmhter hna lio i kan i lawmhnak nak in lawmhnak ngan deuh aum ti lai lo. lawmnak hi phaisa in rak cawk khawh asi lo, an i pehtlaihnak hi cu ahmete lawng arak si”…

Image result for happy people

Tangka tampi ngeih ah hin kan i lawm rua lai tiah kan ruah tawn, asinain Henrik Ibsen nih a ti mi cu Tangka nih cun ahawng lawng acawk khawh, amuru acaw kho lo , rawl cu an cawkpiak khawh sihmanhsehlaw rawl duhnak cu an cawkpiak kholo, sii cu an cawk piak khawh sihmanhsehlaw damnak cu an cawkpiak kholo, theihhngalhnak cu an pek khawh sihmanhsehlaw hawikom taktak cu an pe kholo, nuamhnak cu an pek khawh sihmansehlaw daihnak le lawmhnak cu an pe kho lo arak ti.

Related image

Minung hi phaisa hun i ngeih luaimai , nawlngeihnak tampi hun ngeih tehna hi kan nunnak ah abiapi bik an si lo,nunnak kan timi hi, hithil hna pin ahhin asi i hithil a tholhmi nih cun nunnak chungin abiapi bikmi atlolh, cucu midang ca thathnem asi………….

laknak : Peace Corner cauk chung ta lak mi asi

Be the first to comment

Leave a Reply

Your email address will not be published.


*