Hakha in Naga kalmi dam tein an phan cang…

Naga Hornbill Festival ah Lai paih hmuhsak ding in le zuamnak chungah lut ve dingin Laitlang lei in akal mi hna zong dam tein Naga an phan cang.

Nanphalong in mi an hngah lio

An khuallam cu hitihin asi, Hakha in Tamu ah an riak i, a thaizing Zingka teah Moreh lei ah an i thawh, Moreh in Naga lei in midongtu hna he an i ton hnu Nagaland lei kal cu an i thawh i, zan suimilam 10:30 pm India caan ah an va phan.

Midongtu hna hi Naga NWA chungin Vice President nih a don hna, cun Naga khualipi Kohima an phak hnu ah NWA president nih lunglawm tein a don hna i, lunglawmhnak bia le thaizing cawlcangh ding ning kong a chim hna.

Cun Pu Ang Cung le Ptr Henry zong nih Naga umchung cawlcangh dingning kong zong caan tawi te chungah an chimh hna i thazaang pek nak zong an pek hna.

Nagaland lei kal an i thawhpah ah, Kawlram lei Immigration zunglei nih zulhphung zong tlawmpal an chimh hna hnu ah Naga lei kal cu an i thawh.

India ram Moreh Check point pahnih nak ah, India ralkap nih an check hna i, passport ngeimi hohmanh an um lo caah le visa in a kal mi hohmanh an um lo caah kal an kham hna.

Checkpoint 2 ah an hren lio hna asi

Midongtu Naga lei upa hna nih an tawlrel than, i suimilam pahnihchung hrawng an hren hna hnu ah Biakamnak he Nagaland lei cu an kal than i, lampi ah zeidang harnak tongti loin Nagaland khualipi cu dam tein an phan.

Thaizing cu rak i ngeih cio ko ne uh..

Kohima an phakhnu hmanthlak asi, an hna cu a ngambak cang teh.

Dohphit

Be the first to comment

Leave a Reply

Your email address will not be published.


*