Rung Lian Ceu Dimapur ah a tlonlennak hnephnop..

atu lio ahcun a lar bik mi cu Rung Lian Ceu le Tial Cung Thang ti usih law kan palh then men lai lo dah, Cun Rung Lian Ceu hi Laimi chung lawng si loin Tutan Nagaland a kal nak ah Nagami hrimhrim zong nih an uar kho tuk.

 

Tutan Kohima ah a caan a hman dih hnu ah atu hi Nagaland  Khuapi a ngancem chang asi mi Dimapur ah an tlonlen lio asi, Hi Dimapur ah khin Khrihfabu pakhat asi mi zong nih Thlacam nak tuahpiak an timh ti zong kan theih.

 

Rung Lian Ceu hi a zeidang nak in a Lungput a ttha i, ai uah lo, cun mikomh zong a thiam ngaingai, a pawngkam ah tlawmpal ummi nih cun an tlaihchan colh.

Dimapur zong ah Naga miphun hna he nuam taktak in lente zong an i celh, Nagaland a tlonlennak zoh tik ah Naga miphun zong nih an rak uar hrimhrim.

 

Naga miphun zong hi unau kan sinak zawng te ai hngalh nak cu, khual an daw i an tlaihchan, atu bantuk in Rung Lian Ceu thlacamnak an tuahpiak hnik mi zong hi zohtik ah an thinlung put ah unau sinak te kha a um ko rua.

 

Rung Lian Ceu uar um khunnak cu zeihmanh vuivai lo tein an phung tangah dai tein lente ai celh khawh mi hrim hi uar a um kho taktak, hi lungput nih mi pical asi nak a langhter khun, i cawn khawh cio ahcun a tha.

Nagaland lei nih cun an uar kho taktak, ara laimi 2021 kum zong ah rak kan telpi than te law tiah sawmnak zong an tuah, amah zong nih nupi hna a thit rih lo ahcun 2021 kum ah kan hmuh than khawh te men.

 

Video credit: Runglianceu fb

Photo credit; Tei

 

 

 

 

Be the first to comment

Leave a Reply

Your email address will not be published.


*