Chinram chung siangsangrun ( high school) ah saya/mah te lawng ah minung 400 leng an chanbau rih

Chinram chung siangsangrun ( high school) ah saya/mah te lawng ah minung 400 leng an chanbau rih

Chinram chungah a ummi siangsangrun chungah saya/mah 400 leng an chanhau rih tiah fimthiamnak lei Minister u Dr. Myo Thein nih a chim tiah the Voice thawngzamhnak nih an langhter.

Image result for chin state school

Aug 8, 2019  ni ah tuahmi amyota hlutdaw tonpumhnak ah Chinram amyotta hlutdaw aiawh asi mi Pu Siang Awr nih Chinram chung Sianginn saya/mah chanbau mi hna hi tlamtling tein chiahpiak/pek ding in timhtuahnak a um maw um lo timi halnak a ngeihmi cu a Minister U Dr. Myo Thein nih hitin hin a leh.

Image result for chin state school

Tukum cacawn kum chung ah Siangsangrun ah kaiter mi le sianglairun kha siangsangrun tengnge ah kaiter mi an um i, saya/mah te hi 2017-2018 cacawn kum cazin ning in cun Siangsangrun saya/mah 411 an chanbau rih tiah fimthiam cawnnak minister nih a chim.

Image result for chin state school

Mah a chanbau mi hmanh hi milu in an tuak sawhsawh mi asi rih, subject pakhat ah saya/mah pakhat cio in saya/mah a chanbau rih mi zong atu hi kan tuaktan cuahmah lio asi ko tiah a leh. Atu a baumi kan langhter mi nak in subject pakhat ah saya/mah pakhat cio in tuak ahcun a let in an bau rih hnga tinak asi.

Image result for chin state school

Atu lio lailei khuate sining ahcun saya/mah pakhat nih subject 5 a chimmi zong an um i, an mah le sianginn catang umzat in subject tam a tlaihmi zong an tam ngai rih fawn.

Image result for chin state school

Chinram chung  khuate cheukhat ahcun Siangsangrun tengnge pek mi le saya/mah hna Siangsangrun cachimtu dingah rian khinh mi zong an um len cu pin ah degree  ngeipawl zong siangniamrun cachimtu dingah riankhinh mi an um len cang tiah fimthiam cawnnak Minister U Dr. Myo Thein nih a chim.

Image result for chin state school

2019-2020 cacawn kum ah Chinram chung sianginn hna ah Siangsangrun 95, Siangsangrun tengnge 78, Sianglairun 223, Sianglairun tengnge 105, Siangniamrun (tang 5) tiang kai khawhnak sianginn 213 le Siangniamrun tengnge 97 a um, cun Siangniamrun thiam ( tang 4) tiang kainak sianginn 685 an umhna, Chinram chung sianginn dihlak fonh ahhin 1496 a um.

Ref: the voice

 

Be the first to comment

Leave a Reply

Your email address will not be published.


*