ZIAZA KONG

Minung cu abu in a ummi kan si caah ziaza tha ngeih kan herh ngaingai. Khua le ram chungah daihnak hnangamnak le lunglawmhnak a um khawh nak hnga ziaza tha ngeih a hau. Ngaihthiamnak, toidornak, siannak le pakhat le pakhat ibawmh duhnak thinlung ngeih i rualrem tein um le khuasak khi a tha bikmi an si.

Related image

Fel tein a nungmi, sem a relmi le riantuan a zuammi cu an nun a nuam. Adingmi cu mi nih an zumh hna i hawikom tampi an ngei. Hawi sinah an tlumtla.

Related image

Zu adingmi cu an lo tlau i hawi an can hna lo. A si afak. Mi he an i si lengmang. Mi dang nih an nautat ngaingai hna. Zei bia an chim hmanh ah mi nih an zum hna lo.

Image result for happy life

A ngeitu nawl lo in alami cu mifir kan ti hna. Fir cu ziaza tha lo bik asi. Mi dang nih an zomhtaih hna. Ningzahnak asi.

Related image

Ruam a kaimi le aa pawrhlawmi cu mi uah kan ti hna. A puarmi le biahrang a chimmi cu hawi nih an rem hna lo. A hmur a saumi le lih tawn a hmangmi cu mi hrokhrol an si i mi nih an zum hna lo. Rian tuan a zuam lomi cu mi thathu kan ti hna i an si afak.

Pathian a tihzahmi le fimnak le ziaza chimtu saya le hringtu nu le pa a upatmi hna cu thluachuah vanluh an hmu i an nun khua asau.

Related image

 

Be the first to comment

Leave a Reply

Your email address will not be published.


*