Bianem Thazaang

Bianem Thazaang

Image result for happy life

A hlan ah Jack an timi ngakchiapa nih Rover an timi uico pakhat a ngeih. Ni khat ah Jack nih cun Rover cu lam len a sawm. Rover nih a zulh duh lo ruangah Jack cu athin a hung i fung in atuk. Rover cu a ai i inn chungah ale. A pa nih “ Jack, zei caah dah uico cu na velh” tiah asik. “ Lamlen ka saw mi a duh lo cuta” tiah ati. A pa nih “Rover nih ka daw seh na ti ahcun mah bantuk in tuk ding asi lo. Minung zong siseh, saram zong siseh biahrang in ti le tukvelh cu duh cio mi asi lo. Bianem tein chawnh le biak cu mi kip duh ciomi asi. Atu Rover cu bianem tein au hmanh, an zulh ko lai,” tiah ati.

Image result for dog and kid

Jack nih Rover, Rover, uico fim, uico dawh ti in alu in a mei tiang avun muai. Rover cu aa lawm tuk i a mei a hngerh, a bao i Jack cungah kai aa zal.

Related image

“Jack, zohhmanh, biahrang in na rak au hi fung in na tuk lioah khan an tih i na duh lo nak tuah aizuam. Asinain bianem tein na auh cang caah na duhnak bantuk in an zulh ko” tiah a pa nih ati. Jack nih Rover cu lamlen a sawm than i lunglawm tein a zulh than.

Related image

“ Pakhat le pakhat kan i sik, kan i velh, biahrang in kan i chawnh le kan i dawt lo ahcun zei thil paoh bawmh duhnak lungthin a um lo. Asinain pakhat le pakhat bianem in kan i chawnh i kan i dawt ahcun zei rian paoh bawmh duhnak thinlung ngeih cio asi. Awhrang in nan chawnh hna ahcun an in tih hna lai i nan cungah dawtnak thinhung an ngei lai lo,” tiah apa nih Jack cu a ti.

Related image

Cucaah nannih zong pakhat le pakhat na i biak nan i chawnh ahcun hawikom tampi nan ngei lai i zei rian paoh tlamling tein nan tuan khawh lai. I sik awk a si lo. I velh awk zong asi lo.

Related image

 

Be the first to comment

Leave a Reply

Your email address will not be published.


*