Lungngemi (lungrual) Ngal Rual kong..

Lungngemi (lungrual) Ngal Rual kong..

 

A hlanah a nuam ngaingaimi tupi pakhat a um. Ei awk le din awk tlamtling tein a um lengah tlawnlennak ah a nuam tuk hringhran. Mah tupi chungah cun ngal rual an um i nifate nun nuam ngai in an ei an ding, an tlong an leng.

Image result for forest pig

Mah tupi cun a hlaat tuk lonak ah tupi pakhat a um. Eidin awk zeihmanh a um lo lengah tlawnlennak ah a nuamh lo caah saram dang pakhat hmanh an um lo i pawpi pakhat lawng a rak um.

Image result for forest pig

Mah pawpi cu ngal rual an umnak tupi ahcun a va kal. Ngal rual hna cu a va hmuh tik hna ah ngal pakhat kha aseh i a umnak ah a kirpi. Mah bantuk cun nifate ngal cu pakhat lengmang a seh hna i hnarcheu ceo an tang cang.

Image result for forest pig

Nikhat cu an hruaitu pa nih a pumh hna i, “ mah bantuk hin kan um lengmang ahcun kan thi dih ko lai. Hmun dang ah kan zam tak a hau lai,” tiah ati. Ngal dang nih cun hmun dang a thatnak ah cun “ kan zam ko lai,” tiah an ti ve i hmun dang i zam ding cun bia cu an chah.

Image result for forest pig

Asinain ngal note pakhat nih, “ kei cu mah tupi chungah hin ka chuak i ka thang. Nihin tiang lunglawm in kan tlawng kan leng. Kan ei kan ding. Ka dang tupi cu zeitluk hmanh in nuam sehlaw kal ka duh lo. Pawpi cu kan dihlak in kan seh lai,” i athi ko lai a ti hna.

Image result for forest pig

Ngal dang nih cun an vun ruah ve i, “ ahmaan ko. Kan dih lak kan i bawmh ah cun pawpi cu kan tei ko lai” tiah an ti dih than i a bia chahmi cu an ngol than.

Image result for forest pig

Thaizing khua a dei tikah pawpi a rat tawnnak cu an dihlak in an rak bawh. Pawpi cu ngal sa ka ei than lai tiah zei poi loin ara. Ngal rual nih cun hmakhatte ah an i bawm i an seh. Mah hnu cun zeihmanh tihphan thlalaunak um lo tein nun nuam ngai in an ei, an ding, an leng than.

Image result for forest pig

Cu caah cun nifate nan tlonlen, nan eidin nak ram nuam hi ral nih an idoh hna ahcun lungnge (lungrual) tein nan doh hna lai. Nan tei hna lai i nunnuam tein nan umlai..

Note: Lai carelnak cauk chungin lakmi asi..

Be the first to comment

Leave a Reply

Your email address will not be published.


*