Zeibantuk Thitumnak Dah A Tha Bik?

Zeibantuk Thitumnak Dah A Tha Bik?

1 Mah zawn lawng aa ruatmi pa thitumnak

Mah zawn lawng aa ruatmi pa nih cun a nupi sinah, “ Ka upat! A bawipa kan si! A hawikom ka si awk hrimrhim a silo. Amah cungah ka um lai i a ka upat lai” ati.

Image result for wedding

Pa tampi nih, “ Mah zawn lawng ruah thitumnak an duh.” Sihmanhsehlaw, cu bantuk thitumnak nih lawmhnak a ngei lo. Zeiruang ahdah? Mah bantuk thitumnak hmun ah cun nupi nih a pasal caah rawl a chuan piak nain a duhmi meh atuah piak a zuam lo. A pasal he nupa sinak atuahpi ko nain, a pasal diriamhnak atuah lo. “ Ka pasat upat bantuk in ka um lai i ka lungthin takin ka upat lai lo. Amah zawn lawng airuat. Keimah zawn aruat ve lo. Zeiruang ahdah amah zawn cu ka ruah ve lai?ti lungput a ngei.

Image result for wedding

2 Mah zawn lawng aa ruat veve mi thitumnak

Mah zawn lawng airuah veve mi thitumnak ahcun pa nih, “ Pa ka si rak ka upat” ati. Nu nih, “ A si lo! Kan i tluk ceo ko” ati. Nihin nu tampi nih “ Mah zawn lawng aa ruatmi pa he umti an duh lo. Kan nih nu zong nih kan nawlngaihnak kan ruah ve a hau cang” an ti.

Image result for wedding

Mah zawn lawng aa ruah veve mi thitumnak ah cun, nu le va nih nawlngeih veve an duh. Cucaah an i thitumnak cu ni fatin zuamnak in a khat. Hawikom an si kho lo. Sianginn dang veve in a ra i bawling chuih ai zuammi bantuk an lo.

Image result for wedding

Mah bantuk thitumnak ahcun a pasal nih, “ Khuapi chung nu nakin khuate lei nu ka rak thit deuh awk asi” an ti. Nain, thitumh a nuamh nak tawhfung taktak cu, “ Pathian timhtuahnak zulh asiko.” Pathian timhtuahnak cu khuapi ah siseh khuate zongah atha ko. Vawlei hmunkip le miphun kip zongah atha ko.

Image result for wedding

3 Pathian timhtuahmi Thitumnak

Pathian nih atimhmi thitumnak ahcun pa nih, “ nangmah he i daw le hawikom tein um ka duh. Keimah duhnak lawng in nun ka duh lo. Na herh mi hngalh thiampiak kan duh” ati. Nu nih, “ Upat, na duhnak tlinter le nangmah nuamhter kan duh ve” ati.

Image result for wedding

Pathian timhtuahmi zulhnak caah pa nih a nupi cu ahawikom le bawmtu ah a cohlan awk asi. Nu nih a pasal cu a upat awk asi. Mah zawn lawng i ruah veve nakin pakhat le pakhat taksa, thinlung, thlarau le nupa sinak ah a herhmi kha an i zawnruah piak awk a si deuh.

Image result for wedding

Nihin vawleicung miphun kip nih nuva i komhning phung le lam an ngei dih cio. Baibal kan zoh ahcun, Pathian nih tuah dingmi thil fiang tein a kan chimh. Pathian nih,

Image result for bible

Pasal le caah Baibal caang

 

Na nupi herhmi kha ruah piak. Taksa in ader deuhmi an si kha philh hlah. Na hawikom bantuk in zohkhenh. Cu bantukin na tuah ahcun zeihmanh nih nan thlacamnak a dawnkhan lai lo. (1 Peter 3:7)

 

Vale nih nan nupi le cu nan pum nan i dawt bantukin nan dawt hna lai. (Efesa 5: 33)

 

Khrih nih khrihfabu adawt i a nunnak a pek bantukin, nannih zong nih nan nupi le nan dawt hna awk asi. (Efesa 5:25)

Nupi le caah Baibal caang

Nupi hna, Bawipa tang in an i dor bantukin nan vale tangah idor u. Khrih cu Khrihfabu hram asi bantukin pasal le zong nupi le i lu an si ve.

 

Khrihfabu cu Khrih tangah aa dor bantukin nupi le zong nih nan vale tang ah tling tein na i dor awk a si. (Efesa 5:22-24)

 

 

Nutar deuh pawl nih nu no deuh pawl kha vale dawt ning cang na chimh hna lai. (Titus 2:4)

Image result for bible

 

Mah Baibal caang a zulmi nuva umnak inn cu lawmhnak in akhat. Mah bantuk inn ahcun a nupi nih, “ Ka pasal cu ka lu asi.”ti a hgnalh ve. Zeibantuk Baibal caan nih dah thlacamnak kong  a kan chimh. Pasal nih a nupi tha tein a zohkhenh lo ahcun athlacamnak thazaang a derthawm lai ati.

Image result for wedding

Cucaah pasal nih, “ Lu ka si bantuk in, ka nupi cu ka duh paoh in ka zohkhenh lai,” tiin a ruah awk a silo. Nu cu taksa in a derthawm deuhmi an si bantuk in aherhmi a ruahpiak i inn rian zong kha a bawmh awk asi.

Image result for wedding

Joe le Lydia cu kan fale khoika sianginn ahdah an kai lai ti an i el tikah, Joe nih a nupi duhnak kha a cohlan piak. Pasal tha nih cun mah tin a tuah tawn.

Voikhat cu, Joe nih motor cawk aitim. Lydia nih athingtuk mi, achia tuk mi asi ati. Asianain a pasal nih cawk a duhmi kha a hnatlak pi ko. Cu tikah motor cu remhthan lengmang ahau. Asinain Lydia nih “ Ka rak in ti lo maw” tiah biahrang a chim hnawh bal lo.

Image result for wedding

Pasal le nih, “ Kan nupi le dawt ti sullam cu zeidah asi ? an ti tawn.

Pathian bialehnak cu –

  • A caah nemte le lungsau tein um
  • Nangmah duhnak lawng in umhlah
  • Zawnruahnak le zaangfahnak ngei
  • Thinhaan lei ah na khul rang tuk hlah. (I Korin 13:4-8)

Pasal nih a nupi cu zawnruahnak, lungsaunak le toidornak he azohkhenh i a nupi nih a pasal a upat tikah thitumnak cu aa dawh hringhran.

note: Lian Cung nih mino pawl biahalmi timi cauk a leh mi chungin lakmi asi.

 

Be the first to comment

Leave a Reply

Your email address will not be published.


*