Mitcaw Paruk kong

Mitcaw Paruk kong

A hlanah mitcaw paruk an rak um. Zeizong an kut in an dah/tongh hnuah hngalh an i zuam tawn. Nikhat cu vui pakhat kha an dah (tongh).

Related image

Hmasa bik pa nih vui cu a vun muai i a hnak kha a dah/tongh “ Vui hi tlakrawh rualmi he aa lo”, tiah ati. Pahnihnak pa nih a vun muai i a ho kha a tongh “ Hi thil hi a pum zong a pum, a parte zong a zum caah fei he aa lo,” tiah ati ve.

Related image

Pathumnak pa nih nih a nor kha a vun tongh ve i “ Vui hi rul dah ngai a lawh,” tiah ati ve than. A palinak pa ni a ke kha a tongh ve i, “ Vui hi tlor kung he an i lo,” tiah ati ve. Panganak pa nih Vui hnakhaw cu a vun tongh ve i “ nan pali in lih bia lawng te nan chim, Vui hi thlanzahnak he an i lo,” tiah ati ve. A hmanung bik pa nih a dah lengmang ve i vui mei kha a tongh tik ah, “ nan dihlak in lih bia lawngte nan chim dih. Vui cu hrihrual phun dang asi ko lo maw,” tiah a ti ve than.

Image result for blind 6

An chimmi cu an dihlak in pingpalo lawngte an si. Cu caah zeizong vialte hmuhhliah lo, theihfian lopi in nan chim sawsawh ve lai lo. Fiangte theih le hngalh hnu lawng ah bia hi chim ding asi. Theih set lomi bia zawndamh in kan chim ahcun mitcaw he kan i lo sual lai.

Related image

Cu caah atu chan le bang ahcun biachim holhrel hi i ralring ngai a hau cang. Theih fianset lo le hngalh setsai loin bia kan chim tuk asi ahcun ningzahnak lawng siloin cawi le liam tiang in chuah khawh a fawi te. cu caah a ho kan si zong ah theih le hngalh fian hnu ah bia hi chim cio hna usih.

Note: Lai carel cawnnak chungin lak mi asi.

 

Be the first to comment

Leave a Reply

Your email address will not be published.


*