Nang maw Kei

Nang maw Kei ti mi tuanbia nih zei dah a kan cawnpiak tiah cun –

Related image

A hlanah cenghngia pakhat arak um. Cangai ei aduh tuk nain tiva ral khattelei ah an um caah a ei kho lo. Hlei zong aum lo. Ti lio zong athiam fawn lo. Cucaah kalauk sinah a va kal i, “ ka kawi, hika ahhin thinghnah vialte an ro dih cang i ei awk zeihmanh a um ti lo. Khi tiva ral ah khin fu lo kaupi a um i duh tawk in ei awk thawthaw a um ko. Kal u sih law atha lo maw?” tiah a va ti.

Related image

Kalauk nih cun “ ka kawi, kaa lawm tuk, kal u sih tiah ati. Cenghngia cu kalauk keng cungah a kai i khattelei ral ah cu an i lio i an chuak. Cenghngia nih cangai cu a ei i kalauk nih fu cu a ei. Tlawmpal an um ah cenghngia cu a bao. Cenghngia bao thawng cu khuami nih an theih i an ra zokzok. Cenghngia cu tiva burbuk chungah aa thuh caah mi nih an hmu lo. Kalauk lawng cu an hmuh i lung in an cheh. Fung in an tuk. Kalauk cu tiva lei ah cun ale. Tiva an phanh tikah cenghngia cu kalauk keng cungah cun a kai i an lio than.

Related image

Kalauk nih cun, “Ka kawi, zeicaah na bao. Nangmah na bao ruangah dahkaw keimah zong tuk le cheh ka huah” tiah ati. Cenghngia nih “ ka kawi, kannih cenghngia cu kan paw a khim ahcun kan bao phung asi” tiah ati. Kalauk nih cun, “ kei zong ka paw a khim ahhin ti chungah kholh phung asi ve,” ati i ti chungah cun aa kholh. Kalauk cu ti chungah cun lehkhat a vun i let i cenghngia cu ti chungah a pil i athi.

Related image

Cucaah cun nang zong mi dang cung i that lo nak na tuah ahcun na cungah thatlonak tuah asi ve lai i, mi dang cung i thatnak na tuah ahcun na cungah thatnak tuah asi ve lai.

Related image

Pupa bia ah thatlonak na tuah le biachia na chim ahcun, “Sanglai nih na sulh lai” an ti tawn.

Note: Lai carel cawnnak chungin lak mi asi.

Be the first to comment

Leave a Reply

Your email address will not be published.


*