Ngandam nak ding caah a hrampi simi Rawl phun (4)

Ngandamnak caah
A hrampi rawl phun li (Basic Four For Health)

Image result for the basic food groups

Nitlaklei ram ahcun nikhat ah minung nih kan eimi cu a hrampi in phun 7 in an then “Basic Seven for Health”. Annih ram ahcun saram sa,va, nga ti tepawl a tam ve caah sa kha a ei cemmi (an lungthu hreng rawl)
a si caah phun tampi in an then cu a si kho men. Kannih ram ahcun facang buh te kha kan lungthuhren rawl a si
caah kan cozah ngandamnak lei òhihruaitu pawl nih nikhat ah a biapi in rawl phun li an thennak cu a si kho men.

Cu hna cu-
(1) Pum thannak ah bawm chantu rawl (Grow food)

Image result for grow foods

A hmasabik ah Protein dat kong a si i cu dat a tam cemmi cu sa, arsa, arti, nga, cawhnuk, pe a phunphun, mepe, behrum, necia, cawhnukkham, cawhnuk thawhpat, cawhnuk thor te hna an si. A rian tuannak Takpum a thawn khawh nakhnga bawmchantu a si. Cu pinah thazaang petu a si chih.

(2) Zawtnak khamtu vitamin C a petu a si (Glow Food)

Image result for glow foods

Ascorbic Acid timi vitamin C a tam mi eidin hna cu – anhring so phunphun, kawlhang, antam tawba, hai, theithu, zil, thingthei phun paohpaoh, aalu, sangphaw thei ti bantuk pawl an si. A riantuannak Vitamin C aa telmi eidin pawl cu zawtnak a khamhtu ngandamnak  abawmchantu an si.

(3) Thazaang ca bawmchantu (Energy helper) Go food

Related image

Thatlung zaangtlung ngai in cawlcangh khawhnak ding ahcun chiti, cawhnuk, thawhpat, mepe, satilthau, thanthlingsen, kawrtei tibantuk kha eipiak a herh. Hipawl eidin ah hin vitamin A le vitamin B pawltampi an i tel ve.

(4) A biapi bik eimi rawl (Main Food)

Image result for the balance of good health

A biapi bik in kan ei mi cu facang, fangvoi, fatun, changvut, aalu, baa, kaw hra, mai tibantuk an si.
A biapi in facang buh kan ei caah fakpi in sukmi le seh ngen tuk in rialmi a rang circer nakin an rial tikah seh an dorh deuh i a senmi facang kha ei deuh ding a si. Meida changvut hman le ei deuh zong ah a senmi tu kha ei deuh ah ngandamnak a si. Pawnghmungh zong ah meida rangmi in rawhmi siloin a senmi meida in tuahmi (Brown
Bread) kha ei deuh ding a si. A cunglei i a biapi mi rawl phun li cu a buaktlak in zohchun i chuankhin le ei kan i zuam ahcun kan ngan a dam ko lai.

Image result for grow foods

Nikhat ca a herhmi rawl Minung kan eimi rawl cu kan thazaang ah a can nakhnga carbohydrate timi (kan pum le kan thisa ca a thatnak ding a tuahtu) nihrian a tuan tik ah thazaang timi (Energy) a chuak kho. Cu thazaang
cu Calory timi a lumnak tahnak a si. Calorie timi cu ti 1 a ummi kha Centigrade tahnak pedan fung in degree 1 kainak ding ah kih lum dat a hmual kha Calorie pa khat . Kan pum ca i ei le dinmi cu Calorie in an tah. Ni khat ah minung pakhat nu le pa ngakchia mino zei vial dah eiding timi kha (National Research Council of the United States)
American ngandamnak lei mifim thiam zong nih an dothlat tikah hibang in a si.


A cunglei hna cu American ram tuakning a si i kannih Kawl raah an tuak ve ning ahcun um-awlmi nih nikhat ah 2000 calories eiding . A buaktlak in tuak tikah buh kaa khat cu 300 calories in tuak ahcun nikhat rawl voithum ei ah a zate 900 cl a si cang. Zeidang tihang le meh he cun 2000 calories cu nikhat eimi cu a si ko. Cu nak luan cu ei ahcun kan pumchung ah Cholestrol a tam sual lai ti i ralrin a hau cang hnga. Rian hrang tuanmi nih cun tam deuh an ei zong ah a poi deuh lo. Zei tuan tunglo minihcun a tlawm deuh ei a herh ko (2 Theselon 3:10) Nikhat ca i eidin ding ah a ret khiahmi 2000 calories tam tuk ei ahcun kan pum chung thau a tam lai i (cholestrol) thi chung ah a thaumidat hna cu thi hri kap ah an i benh lai. Cu bantuk pawl cu a rauh tikah a vunhak i lung thihri a bi timi zawtnak a hung chuak.

Image result for grow foods

Cu tikah thikai, lungzawt, paralyse zawtnak pawl a hung chuak. Cu lawng si lo in thi zong thau nih a men ve i thin phin le tak aihre, thin cancer tiang a chuah pi. Cucaah kan pum nih a herh leng in a thlummi kan ei ahcun a thlummi a ret khiak khotu insulin Hormone nih a rak chi ti lo i zun thlum le thi thlum zawtnak a hung chuak ve. Cu bantuk a luan tuk in ei ahcun thi chung ah thau dah tammi zawtnak le thi chung ah a thlummi zawtnak a si mi lungzawtnak le zunthlum, thi thlumzawtnak nih a kan phak ko lai. Ka pum chung thau (cholestrol) le a thlummi (Glucose) a tamtuk tikah zawtnak a phan kho.

Image result for grow foods

Cu bantuk in kan luatnak ding ah thazaang petu rawl phunlak ah ngasa kha zarh khat ah voi thum tal ei khawh ahcun a tha. Ngasa nih thi chung thau cu a zorter, thihri chung thi khalnak a tei, thikai zawtnak in a kan khamh khawh. Ei le din buaktlakte in eiding ah Diet Diary i chiah i cu zohchun in ei khawh ahcun a òha hnga. Zomi Theological College nih Daily Diet timi an chuahmi zohchun in ei khawh zong kha nunnak nih a herh ngai ko.

CACC chuah mi chung in lak mi asi…

Be the first to comment

Leave a Reply

Your email address will not be published.


*