GENEVI Tuanbia ( Dal – 2 Nak)

Genevi cu alung a leng, a ngaih achiatuk i thlalangawng in khua a cuan i a mitthli aa hnawt lengmang. Cutlukin a ngaih a chia ko na cun mi hmuh ahcun lunglawm thanuam ngaite bangin a um tawn. Pumh caan zong ah hmaipanh tein Biakinn lei a panh tawn. A ngakchiat lio tein an inn chungkhar ah dawtnak le zangfahnak a ngei tawnmi a si bantukin mizaw va zoh le misifak va bawmh cu a riantha bik ah aa ruah. Thla a campiak hna i an lunglawmh khawh nak dingah bia thawthaw a chimh a ruah tawn hna. A dawtmi a vapa Count biacah takmi zong philh lo tein a campiak lengmang.

Image result for genevieve of brabant

A vapa Count nih a mah aiawh in riantuantu ding i a chiah tak mi pa kha mifim midepte asi i amin ah Golo asi. Mi hmuhah tha ngaiin a um khomi mizertiang ngai asi i Count zong nihkhan mitha ngai ah a ruah. Count a um ti lo cangka aduh pohin a tlong i, i porhlawtnak le ruamkainak a phunkip a tlinh. A umtuning kha Genevi nih ahmuh tikah a thinlung afak ngaingai. An ram chung cozah riantuantu lahkhah zong a zuh dih hna i puai tuahnak le nuamhnak ah a hman dih.

Image result for genevieve and siegfried story

Cu lawng hmanh si loin Genevi sinah a va kal riangmang i, “ Na vapa cu athi cang lai, na mui a dawh tung i a lakin um awk ahcun na pamtuk, keimah he kan i um lai, Count cu a va nun asi zong le ramdang ah kan thawl lai” tiah ava ti. Genevi cu a thin a hungtuk i “ Golo na tuahsernak cu chim lo hmanhning law thing le ram tal nihhin an chim te lai” ati pah in atho i ca le ca fung aa lak i Sifrad sinah cakuat atial. An sinum lak i a zumh bikmi Drako timi a au hi ca cu apek. Culiote ahcun midepde pa Golo cu saingpahrang inn chung ahcun ngun nam he ahung lut i an ihnak khan i cakuat a pek liote ah aa lak rianmang i Drako cu athin hmaka ah angun nam cu a saw hi athi ko. Cudih cun midepde pa cu a au i, “Kan bawinu Genevi kan zumh cu kan rak palh hringhran, Drako he an sual liote ka poh hna i Drako cu ka thah. Kan bawinu nak in kei mah ko nih nan hmai kan khap hna lo” tiah ati.

Related image

Genevi cu bia kaakhat hmanh achim kho lo, a khuaruah a hartukah ngang ko in aum. Golo nih cun Count sinah a rianrannak in ca atial.

Dear Count Sigfrad,

“Na zumhtukmi na nupi Genevi cu khuaruahhar a siko, nan ihnak khanah nan salpa Drako cu aluhpi i an sual liote ah ka va hmuh hna. A tlangvalpa cu ka thah, curuang i na sual na ka ti asi ahcun ka ngaithiam ko. Ka ningzah cu nangmah tlukte kha asi. Kan bawinu cung belte ah ka kut ka hler hin lo. Na tlun hnuah nangmah nih khuakhang te ko”

Zumh awk tlak,Golo tiah atial.

A catialmi cu a hun rel than i anihbu khin hi ca ahmuh hin cun zeitluk mitha le mi lungsau a si hmanhah a thinhun cu meizik bantukin a lio in a lio ko lai, a ngaithiam kho bal lai lo. Count hi atlun zong hei tlung ko hmanh sehlaw Genevi hi a nung zong in a hmu ti lai lo i Genevi nih a sual le sual lo zong a chim manh lem lai lo, tiah amah le amah aa ceih.

Alettu – John

Be the first to comment

Leave a Reply

Your email address will not be published.


*