GENEVI Tuanbia ( Dal – 3 Nak)

Genevi cu thongah a thlak i an thlaknak thong cu a minah hawihlei in a sualmi  thong ti asi. Genevi an chiahnak khan cu khan zakhat reng lo chungah a muihnak bik khan asi. Ceu hmete lawng hmuh khawh asi i a chung ahcun buri fate lawng an chiah piak. A vampang hna cu an buar dih cang i lungsil le sawmpalak bu lawngte a si.

Related image

Minung umnak siloin mithi khua ko khi sisehlaw a dawh. Cu khan ahcun khuasik le mithli he khuacaan a relhram a thok.  Nikhat hnu nikhat in Genevi cu a titsa, a mithmai a dang chin lengmang. Nikhat chang pakhat le ti hraikhat lawng an pek.

Nikhat cu a lungretheih le vansan buin vanlei a zoh i thla a cam, “dawtnak in a khatmi ka Pathian, thonginn chung muilak in na fanu nih k arak in auh, nangmah lo cun bawmtu dang a hohmanh ka ngei ti lo, ka mitthli tlaknak le ka lungretheihnak vialte zong na ka hmuh dih caah ka hna a ngam ko. Sihmanhsehlaw, minung thazaang cu zeihmanh asi lo caah ka derthawm ngaingai ko cang i ka hna a ngam kho ti lo.

Image result for genevieve of brabant

A ka dawtu ka nu le ka pa nih khan hitluk vanchiatnak ka ton hi an theithiam tung lai lo i ka vapa zong ramlak i a um caah a theithiam ve lai lo. A ka dawtu ka hawi le dang zong he kan i chawn kho ti lo. Sihhmanhsehlaw Bawipa nangtu nihcun thong chung innka zong hi na ka hunpiak khawh koi  ka caah hin thil thalo zeihmanh na tuah lai lo ti kha fiangte in ka hngalh. Na fanu hi hung ka philh hrim hlah.

Related image

Na dawtnak in rak ka hnem ko, Siangpahrang nupi k arak sinak le atu i hitluk vanchiatnak ka tonmi hi ka ruah tikah khuate lei i zeihmanh a thei lomi ngaknu i rak chuah hmanh ka duh deuh.Vawlei mi ca i na sermi thing le ram, pangpar, ni le thla, arfi dawhnak phuntling, minung nih lawmhnak he an hmanmi nithla le caan hna cu kei ka caah cun tahnak hi le caan ah an cang. Maw Pathian ka thinlung chungah hin rak ka cawnpiak than tuah. Nangmah khuakhannak ahhin vuihramnak ka ngeihnak hnga lo rak ka bawm ko” tiah Pathian sinah thla a cam.

Related image

A thlacam a dih tikah a thinlung ah hitihin a hung lang; Genevi minung mithmuh ahcun a sual taktak mi na si ko. Sihmanhsehlaw, Pathian mithmuh ahcun sualnak ngei lo na si cu ni ceunak in a ceu deuh, tiin.

A lettu > John

Be the first to comment

Leave a Reply

Your email address will not be published.


*