GENEVI TUANBIA ( Dal – 4 Nak)

Genevi cu sau nawn thongchung i a um hnu cun zun ek hlonhtu hna zong nih an daithlanh i a umnak khan cu an pal ti lo caah minung muihmai hi ahmu hrimhrim ti lo tluk khan khi asi. Mithalo pa Golo belte nihcun khua caan ahhin a hung veh tawn i, Genevi na muihmai le na taksa hna hi minung zong na lo ti lo, keimah he um ti na duh ahcun kan chuahter lai i na vapa tu cu lam in kan bawh lai i kan rak thahte ko lai. Duh awk zong a tlak ti lomi hi zeiruang ah dah hitluk hin kan duh kan dawt rih ko hnga tiah nih buin a hung ti tawn.

Related image

Genevi nih “ Pathian mithmuh i midepte sinak cun minung mithmuh i misual si cu kaa thim deuh, ka sual ti i hngal bu siangpahrang thutdan i thutnak cun hi thong chung i thih hi kaa thim deuh” tiah aleh. Golo cu a thinhun in a kir than tawn. Genevi zong cu Golo bia nih a thinlung cu fei chunhin achunh.

Tlawmpal ah ka pum chungah nau a cuang ti kha a fiang. Ka eidinning le ka um thutning ka ruah ah ka paw chung naute hi pum tlamtling in achuak te hnga maw? A chuah tikah tah zei rawl indah ka cawm lai, tiah khuaruahhar ngai in a um. A lungretheih hnemtu ah a khuk aa bil i Pathian sinah thla a cam than.

Image result for genevieve of brabant

A ruah bantuk tein fapate cu ahun ngeih i naute hlawmnak puan a ngeih lo caah a angki leng kha aa phoih riangmang i a naute cu a hlawmnak. A naute cu a tang ah a chiah i, “ Ka fate, ceu hmu lo ding nih ceu na hmuh ve hi ta, midang bangin zualnak tha hmanh na ngeih tung lo, ka tangte ahhin it zirziar ko kun, a ti pahin a mitthli cu kurkur in atla.

Related image

Naute cu a cil a hun dawpter i Pathian sinah hitihin thla a cam, “ Dawtnak in akhatmi ka pathian, fapate na ka pek caah ka lawm hringhran ko, sihmanhsehlaw a cawmnak le a zohkhenh nak dingah zeihmanh tuah khawh mi ka ngeih tung lo, nangmah nih na ka pek bang nangmah ta tu si ko seh. Atu nangmah sinah ka rak in pek than.

Related imageNa Biakinn chung hmanhah k arak chuahpi kho lo, sihmanhsehlaw nang cu khuazei poh ah na um caah atu na kut thiangah k arak in chanh. Ka nunnak hi dih ko hmanh sehlaw ka fate cu nangmah sinah kan pek cang, ati hnuah tiding ding hraikhatte an pek mi cu alak i a fate cu a lu ah ti a thlerh i baptistma a pek.

Related image

“ Ka Pathian, ka fate hi ka tak lum zong nih a lumter kho ti lo, nangmah nih lum tein rak ka kuhpiak ko kun” ati i a fate cu min a sak colh. A min ah Dolreich ati, a sullam cu, sifak nain mirum tinak asi an ti. Genevi nih a naute cu a caw ii a oih pah khin, “ Ka dawt, sian lote na rumnak bik cu thonginn ceu um lonak mui chung i na rak chuah hi a si ko hita, zohtu zong na ngei lo, vancung i na Pa ti ko dah lo cu thil petu zong na ngei lo, na ngeihchunh cu na mit chung i na mitthli hi asi ko. Ka dawt sian lo te hi tite hin kan kuh ko lai” ati pah khin a fate hmai cu a zoh i a tap.

Related image

A tah pah cun “ Bawpa fate na ka pekmi muihmaite hi hun zoh ve tuah, hi khuamui chung i sautuk um hi cu hun siang hin hlah, hi bia ka chim hi ka zumhnak a tlawm caah si hin loin na cungah kaa hnohnak tu si ko seh,” tiah ati. A fate cu “ Ka fa i hngilh hliahmah ko,” tiah ati.

Related image

Ni tam nawn a si hnuah Genevi nih a naute cu aa cawi i awng bite in ceu a rami zawn ahcun a va dirpi a naute hmai cu a va zoh i a naute cu a hung ni. A nu nih cun, “ Ka dawtte, ka sian lo, harnak thei lo te, khati te khan nangtal cu merh siarmar ko kun. Ka sifak ko hmanh sehlaw kan Pathian cu a rum ko, na thinphang hlah ka dawtte” tiah ati.

Image result for genevieve of brabant

Cu tlawmpal ah Golo cu a ra than i , “ E Genevi naute he maw na rak um cang, a pawi lo a tu hi na caan thabik cu asi. Na fate kha na dawt a si ahcun kei hi rak ka duh ko cang. Ka bia na ngaih lo asi ahcun na fate zong kha athi ko lai, lainawng na si ko lai” tiah a hung ti than. Genevi nih cun, “ Ka Pathian hmai le ka vapa le ka nu le ka pa hmai i thil sual tuahnak cun vawlei thong i thih hi ka duh deuh” tiah aleh. Golo cu athinhun in a chuak vurmar i thonginn khar cu a lenglei in a hrenh than.

A lettu: John

Be the first to comment

Leave a Reply

Your email address will not be published.


*