GENEVI TUANBIA ( Dal – 5 Nak)

Voikhat cu zanlai piah Genevi nih a ihnak pawng vampang hin thawng a theih, “ Bawi nu, naa hngilh cang maw?”tiah dinte in aw a hun theih. Genevi nih cun “ A hodah na si, ka hngilh rih lo, zeidah asi ?” tiah a hun ti. Aw nih cun “Bawinu, keimah cu Barti ka si, ka tihtuk hringhran, achim hmanh ka chim ngam lo, Golo cakuat kha na va Count nih a hmuh i athin a huntuk caah Golo sinah “ Ka nupi cu a hngawng rak tan u,” tiah ca a hun leh. Cucaah a tu hi nangmah an thattu ding an rak phan deng cang lai”tiah awther lengmang in ahun ti. Count nihcun, “ Naute a ngeih a si zong ah nan thah chih lai” ati, ti zong ka va theih chih, zeitin in dah na um ual lai” tiah ati. “ Ka bawinu ka cung ah na thatnak vialte kha ka philh lo na caah santlaihnak zeital ka ngei kho hnga maw?tiah ati.

Related image

Genevi nih cun, “ Na ngei ko ka nau, vat li law sathau mei inn le catialnak va ka lakpiak”tiah a ti. Rianrang in Berti cu ava tli i a chimmi poh cu a va lak. Genevi nih cafung cu alak i hiti hin ca atial.

Related image

“Ka dawt ko nain le zumh awk tlakin ka um ko nain ka dawt khawh ti lomi Count, thonginn chung lungpher ka danh i hi ca hi k arak tial taak,hi ca na hmuh ahhin cun kei cu thlan chungah ka um cang lai, a rau ti lai lo. Pathian biaceihnak hmai ah ka dir cang lai. Sual na phawtmi na nupi hi Pathian hmaika ah thiam ka co lai tiah thlan khor ka luh lai tiang ahhin kaa chal ngam. Sualnak ngei lo tein vawlei ka kaltak lai caah ka lawm ko.

Related image Ka dawtmi Count kei tu cu na zaang zong rak ka fak duh hlah a sinain nangmahtu kha ka zang na fak hringhran. Zei caah dah fiang tein na hngalh lomi thil ah na zumh col hi hlen khawhmi minung ahcun naa tuah, na nupi le na fapa cungah hibantuk in thahnak nawl na pek hlan ahhin khua fakpi in rak ruat ta law na nupi Genevi hi hitluk lawmmam hin a lung na fah ter hnga lo i a ngaih zong na chiatter hnga lo. A hmanmi na theih caan a um zongah rak i ngaichih hrimhrim hlah, kei zong na rak ka dawt nak theihbu tein thi ko ning.

Ka dawtmi Count, na sualnak zeihmanh a um lo. Pathian khuakhan pei dik asi ko rua, sihmanh selaw nathin a tawitukmi kha Pathian sinah ngaihthiam rak halte. Midang cung zongah na thin hung tawi ti hlah, timi hi cah ta kan duh. Ka pumsa cu arethei ko hmanh sehlaw ka thlarau cu thanuamte le lunglawm ngai in ka Pathian sinah aa din cang lai. Cu hmun cu phan ve dingin rak i zuam law, vanram ah na dawtmi na nupi le na fapate nih kan rak in donte lai, cuka ahcun i then a um ti lai lo i lunglawm tein kan leng ti cang lai mu.

Image result for genevieve of brabant

Zangfah tein ka nu le ka pa belte kha hunk a dawtpiak hna law ka sining le ka thihning le a nithla zong tha tein rak theih terte hna. Sual a ka phawtu Golo zong hi nah un ngaihthiam lai, a sual lawng asi lo ahruhtuk caah asi. Ka lu a ka tantu zong sual nahun phaw hin hna lai lo, an rian asi in awl pekmi an zulh asiko. Zumh awktlak na salpa Drako i anupi le a fa le zong kha tha tein na rak zohkhenh hna lai.

Related image

Cun ngakchia nute ca a rak in petu hi bawmtu a hohmanh ka ngeih lo lioah a ka bawmtu asi i rak philhte hlah, a cungah lawmhnak bia hun chimte. A donghnak ah na khua le na ram vialte hi ka nun lio i mikip cung i zangfahnak, zawnruahnak ka ngeih tawn bangkhan an nu le an pa na si kha hun philh hlah. Misual si hmanhning law Golo sual phawt ruang i ka thih lai caah hin ka Pathian nih cun thiam a ka co theo lai, ka thih lai zan ah hi ca hi ka tial takmi asi. Dam tein ka dawtbik mi Count.

Related image

Na caah thih ni tiang zumh awk tlak na nupi,Genevi, tiah atial i Beti sinah cun apek i, “Hi cate hi nangmah hrimhrim nih a kutchung ah na ka pek piak lai” ati. Berti cu tah pah in inn lei ah a tin.

A lettu-John

Be the first to comment

Leave a Reply

Your email address will not be published.


*