AA ralhrang hna ruangah Palewah in Tikir khua ah a rak i thialding mi hna cu Thantlang Baptist Church nih zeimaw zat Bawmhnak thilpuan he lunglawm tein an rak don hna lai.

AA ral hrang ruang ah Paletwa peng i a um mi kan phun hawi Bawm kan unau han cu thanthlang peng Tikir khua ah an hung zaam lio, cu hna caah ihphah puan tibantuk herhpang tete TBC Khrihfabu nih bawmhnak an pek zat cu Pastor Sang Hre Lian (TBC Pastor) nih a facebook ah a tang lei bantuk in a langhter.

Image may contain: shoes, living room and indoor

“Ralzam dirhmun in kan unau Bawm mi minung 116 hna cu Paletwa peng Miza khua in Thantlang peng Tikir khua ah peem ding in an pok. 2019 Nov.11(nikhat ni) ah Miza khua in an hun i thaw hi Nov.13 (nithumni) hi Thantlang an phan lai, Thantlang Baptist Church (TBC) ah an riak lai. Cun nov.14 khi Tikir an lan te lai. An i thialkamnak hi cozah nih a tawlrel mi asi.

Image may contain: indoor

Bawm kan unau hna caah bawmhnak pek ding in TBC nih Khrihfabu chungah thawngthanh in kan tawlrel i, ihphah zun (59), Ihphah khuh zun (50) Puan zun (127), chantling (119), Pher (43) le second hand thil puan buri nganmi tun khat achuak. Hi pin zong ah ai chap dingmi um kho rih.

Image may contain: indoor

#Bawipa nih a thluachuahza he lam hruai hna sehlaw an peemnak ding Tikir cu an Canaan ram ah canter hram ko seh”

Image may contain: indoor

Hi kong he pehtlai in zahan ah Salai Joel Ling nih a timeline ah a tanglei bantuk in atar. Hmanthlak zong athil chih. Hmanthlak cu Salai OKla Bik nih akuat chinmi asi nak kong zong a chim.

“ Lozu nih Innzu A Pawnchuah an ti bang…

Tuzanlei ah, Salai Okla Bik nih hmanthlak a von ka kuat. Kan kuatmi hmanthlak hi, Paletwa peng ummi Bawm kan unau an si. Ral ruangah (AA le Kawl ralkap i kah ruang) an khua an chuahtaak i Thantlang peng Tikir khua ah khuasa ding in nihin Matupi an phan. Thaizing Thantlang lei ah an lan lai, an zapi  100 an si, tiah a ka thanh.

December Muko he kan i cil cuahmah lio le zei khua zong ka ruah khawh lo lio asi nain…. A Hmanthlak kuatmi le a thawngthanhmi nih khuazaza a ka ruah ter ngai..”

Image may contain: one or more people, people standing, sky, tree, house, outdoor and nature

Zeikhom asi ah Thlanglei in an rak pok cang ti cu afiang. Chaklei mi hna zong nih zeidah kan tuah awk? Zeitin dah kan pomhlawm hna ding timi ruah a herh ngai rua ka ti.

Image may contain: one or more people, people sitting, shoes and indoor

Cozah khuakhannak si ko hmanh seh law Laimi kan kotho nunphung ah Mipem dawt hi aa tel. Khrihfa nunzia zong ah innpa dawt hi Bawi Jesuh fialmi asi.

Sources: Pastor Sang Hre Lian FB, Salai Joel Ling FB

Be the first to comment

Leave a Reply

Your email address will not be published.


*