Mah pumpak hlawknak a um lomi rian ah Chinram khuabawi te nih rian an tuan huam rua lo hlah maw?

kawlram Vice president nupi Dr. Anna Sui Hluan nih Thantlangpeng pumtlamtling lomi hna lengke (wheelchair) pek nak a ngeih hna. hi Lengke peknak ah Chinram Luhmuh vuanci le sipin vuanci zong nih an telpi khawh hna.

Thantlang peng chungah Dr. Anna Sui Hluan nih lengke peknak a ngeih ni ah khuaruahhar ngai thil a um. mah cucu zeidang thil asi lem lo nain Thantlang peng chungah lengke Wheelchair  minung 8 lawng nih an tinco mi hi asi.

Luhhmuh vuanthan nih pumtlangtling lomi  chungah lengke (wheelchair) pek hau mi min van pe u tiah khuabawi lei le nawlngeitu lei cu an ti ko hna nain Thantlang peng chungah minung pariat min lawng cazin a phan. Hi chungah minung pakhat cu Yangon lei nih, minung pakhat min cu an pek chom.

Thantlang khuachung lawng hmanh ah pumtlangtling lomi hi minung 60 leng kan um, hi chung hmanh ah lengke (wheelchair) pek haumi hi kan theih tawk hmanh ah minung 8 hrawng an va si cangva si kaw, khua te lei ah an um rua lo hlah maw?

Kawlram chungah pumtlamtling lomi  hi Ayeyawadi ramthen hi a tam bik an s ii 7.6% an si. a changtu ah Chinram then kan si i, 7.4%  kan si. Nargis thlichia ruangah Ayeyawadi hi a tlamtling lomi an tam khunnak hi asi.

tuchung December 2, 2019 lengke peknak ah Thantlang khuachung in minung 7 nih an hmuh i khuate Tlangrua B khua in minung pakhat nih a hmuh ve, an dihlak ah minung pariat nih an hmuh.

khuabawi pawl it him tik zongah mah le hmunhma ah zei bantuk minung an um ti hmanh a theihhngal lomi minung hi cu thim ti lo ah an tha lai, a ruang cu an mah hlawknak a um lomi ah riantuan an huam lo ti cu a fiang bak.

mah ca hmuhnak aitel lomi riantuan an huam lo ti a fiang khunnak cu, May thla lio ah Cozah zunglei in pumtlamtling lomi minung pakhat ah 30000 cio an pek lio hna ah a khua cun chim lo a tlangthluan ning hmanh in a tingco lo mi kan um, cun tuni Lengke (wheelchair) peknak zong ah Thantlang khua chung hmanh ah kan thing thlu hoi lo, mah cucu ruah awk tam ngai a um.

Chinram chung khuapi hna lak ahhin Mindat pengthen hna ahcun minung pakhat hmanh, an tinco lo ti thawng zong kan theih, mah cucu ho mawh dah asi kun ne la?

za rih seh hnu ah kan peh than te lai.  catial tu Pumpak hmuhton mi chung in..

Crd:

Be the first to comment

Leave a Reply

Your email address will not be published.


*