GENEVI TUAN BIA ( DAL – 11 NAK)

Genevi te nufa vahnak cu kum sarihnak a hung si cang. Cu kum khuasik cu kum dangnak in a zual chin deuh. Genevi cu ruah lopi in dam lonak nih a hun tlak i thingthei kawlah a vaak kho ti lo. A rak kawl ciami thingthei tete zong cu ahung dih zuahmah cang. Lungkua chung lawngah a thu ko cang.

Related image

A fapate nih cun, “Ka nu, nah me chin lengmang ko e, na zeidah ati, na hmai zong atha lo”tiah ati. A nu nih, “Ka fa nikum i na dam koi  lente zong na celh zuam lo i ih lawng naduh lio kha na thei ti maw? A tu hi kei zong kha bantuk khan ka um ve”tiah a leh. Cun a fapate cu a pom i, “Ka fa, kei cu ka thi cang lai, na zeihmanh poi hlah” tiah a ti i a fapate cu a khuaruah a har. “ Ka nu, na thih ahcun zeitindah na um lai”tiah a hal.

Related image

A nu nih, “ Ka fa thih cu ih i thawh ti lo hi asi, khuaceu zong hmuh ti lo i, na ka chonh zong ah ka thei ti lai lo” tiah a tahpah in aleh. Dolreich nih cun, “Ka nu,thih cu ka duh lo, kan chonh i na ka chonh ve lo ahcun zeitindah a si khawh lai Nucan le holh a thiam fawn tung lo i thih cu ka duh lo, thihnak asertu Pathian cu atha lotuk, ka nu thih cu ka duh lo”tiin atap.

Related image

Dolreich nihcun aa thawh than i, “Ka nu kei cu Pathian sining law vate thih zong khi ka siang hnga lo, nang kanu thih chinchin hi cu kan siang hrimhrim hnga lo”tiah a tahbu cun ati.

Related image

An nufa cun an hmaika ah aum komi thil an hmuh le an ruah tikah an khuaruah ahar i an van asang ko. Sihmanhsehlaw Genevi nihcun, “Pate cuti cun a si lo dahkaw, Pathian nihcun thihter i athimi kha athi kho ti lo ding in thlen than athiam. Cu athi kho ti lomi cu amah sinah lunglawm tein a zungzal in um dingah arak khan ciami asi.

Related image

Kan thih a si zongah Pathian sinah lunglawm tein ka rak um ko lai i a caan a zat tikah nangmah zong na ra ve lai i cu hnu cun kan i then ti lai lo, a zungzal in lunglawm tein kan um ti cang lai tiah a hnemh.

Related image

A fapate nihcun a nu lucung zawnin a thut hnawh i, “Ka nu cuti a si ahcun zeicahdah kan i then lai hmunkhat ah um ko usih, ka kal tak hlah”tiah a nu cu aleem.

Image result for Genevieve and Count Sigfrad

A nu nihcun “Pate, cuti cun asi lo nang cu Pathian nih hi vawlei cungah hin thil tha tampi tuah ding le Amah thangthat tu dingah an duh rih. Tha tein ngai hmanh bia kan cah ta lai, kei cu ka thi lai i ka thih na hngalhnak ding cu a rauh hlan ah ka rim a nam lai. cun kan chawn kho tilai lo.

Related image

Cuti a si tikah cun thing ka lakmi lak i a fek bik mi hi na put lai i nichuahlei ahkhin na kal lai. lam hlapi na kal hnuah mi tampi na hmuh hna lai i cun na pa Pathian tiah kan chimh lengmang mi bantuk kha hi vawlei cung zong ah pa na ngei i cu nihcun keimah nih kan dawt bantukte hin an dawt ve lai.

Related image

ka konglam na theih khawhnak dingah fiang deuh in kan chimh lai. Mithalo hna nih na pa sinah biahmanlo an chimh caah nang le kei hiti kan um nak hi asi, tiah ankonglam vialte cu a fapate kha a chimh.

Image result for Genevieve and Count Sigfrad

“Ka fa, na pa sin na phanh tikah cun minih siangpahrang fa an in tilai i mi tampi nih an in dawt lai. Sihmanhsehlaw, mi sifak le mirethei mi na hmuh tik hna ah va zangfah hna law va daw hna, kan nufa kan intemnak hi na philh hin lai lo”tiah ati i  apa min kha tha tein achimh

A lettu – John

Be the first to comment

Leave a Reply

Your email address will not be published.


*