Geneve Tuanbia ( Dal – 1 Nak) + “aw”(audio)

Hlanlio ahhin a mui ngaingai mi Germany ram cu thawngthabia nih den cuahmah hram a rak thawk. Pakhat le pakhat ngeihmi thil i chuh le i lakpiak hna cu an thinh pah lengmang cang. Mah kut ke tein tuan le kawl hram an thok pah lengmang. Hi caan lio ahhin Brarante an timi ramah zumh awktlak le paraltha ngai Duke of Brarante timi a rak um i cu ram uktu bawi cu arak si. Amin arak thang ngaingai i amin than nak cu a that ruangah asi. Siangpahrang le bawi ngan pipi hna zong nih an rak upat i an tihzah ngaimi a si. Amah mintha asi bantukin anupi zong mitha asi ve. Fanute pakhat an ngei i amin ah Genevieve (Genevi tiin rel ding) tiah an rak sak.

Image result for genevieve of brabant

Genevi cu a ngakchia liote hin miphundang te a rak si. A nu le a pa thatnak cu an fanute zong nih cun a vun lawh ve hna. Hlanlio ahcun bawi zong nih la an kher vet awn. A nu lakher le cawlcangh hi Genevi nihcun thate hin azoh i a rauhhlan ah a nu bang cun la tongtham cu a hun thiam ve.

Image result for genevieve and siegfried story

A nu le a pa cu zumh awk tlak Khrihfa tha an si caah Genevi zong cu pumh le khawmh leiah a zuam ngaingai ve. A nuncan le a hoilen athat caah a nu le a pa lawng si loin an khuami zong nih an i zohthla ngaingai. Pathian hi a tihzah i pumh i Pathian hlasak hi a nuambik ah aruah.

Dawh le nuncan that in ahung nungak ve i an khua mipi nih an i chawrbik ah a hung cang.

Image result for genevieve and siegfried story

Hi lio ahhin Count bawi Sigfrad timi tlangval nuntha ngai le a chuakthiam ngaingai mi a um ve. ( Count timi hi Duke nak hme deuh uktu bawi asi ve). Count Sigfrad cu paraltha ngai asi i voikhat hoi cu raltuknak ah Duke of Brarante cu a nunnak in a khamh. Duke nih  adawt ngaingai i a inn umding le a fa khan i zoh dingin a sawm. Hmunkhat i an um hnu cu a fanu Genevi he an iduh ngaingai caah a thitumh ter hna.

Image result for genevieve and siegfried story

Saunawn an um ti hnu ah khin, Count Sigfrad nih cun a nupi Genevi cu an ram leiah tlunpi a timh. An kal lai ahcun ngaihchia lo le mitthli tla lo hi an um hrimhrim lo. Genevi nih cun a vapa cu a duh i a dawt ngaingai ko nain a khua le a ram, a nu le a pa an innlo kaltak ding kha cu a siang hrimhrim lo.

Image result for genevieve of brabant

Kalding cun an i tim i a pa nihcun a fanu Genevi cu a hngawng in akuh i a mitthli he “ Ka fanu na nu le kei cu kan tar cang i hiti na kan kaltak ahcun hi vawlei ahhin cun kan i tong ti lai ti ka zum lo, a fekmi Pathian nihcun na umnak kipah in hruai sehlaw, hnangamnak le daihnak in pe ko seh. A tuning tein khua nan sak ahcun na nu le na pa zong na caah siaherh nak zeihmanh kan ngei lai lo. Zankhat mitchinh zong va tong sual usihlaw, lungdai hnangam tein kan thi ko lai” tiah a pa nihcun thlahnak bia a chim. A  nu zong nih “ ka fanu, nang cu na hmette in Pathian thluachuah nak a hmumi na si cu zapi theih asi. Ka phan bikmi cu Pathian thluachuah na hmuhmi hi philh riangmang in nuncan thalo in na um sual lai tihi asi. Pathian thluachuah na hmuhmi hi philh riangmang in nuncan thalo in na um sual lai ti hi asi. Pathian thluachuahnak tel lo cun minung hi zeihmanh kan si kho taktak lo. Ram hlapi ah va um hmanh law, hi vawlei cungah mui i hmui ti hmanh hlah usihlaw vanram ta li kan i hmuhnak hnga Pathian cu va philh hrim hlah, ka dawt bikmi ka fa” tiah a ti.

Related image

Count Sigfrad sin zongah “Nang hi ka tupa ka zumh ngaimi le ka dawt ngai mi na si i kan ram chung i kan rosung bikmi le kan dawt bikmi cu na kut chungah kan chiah cang, zangfahnak tein na pi le na pu thinlung fahnak hi maw hun tuah citcet lai cih” an ti. An nupa cun an nu le na pa hmaiah cun an khuk an i bil i Duke te nupa nihcun thluachuahnak an pek hna. An khuachung Bishop ngan bik zong nih “Nan cungah Pathian thluachuahnak cu a zungzal in um ko seh” tiah an nupa thluachuah a pek ve hna.

Image result for genevieve and siegfried story

An va kalnak ding khuaram cu Rain le Moselle ti vapi karlak i a ummi asi. Count Sigfrad te nupa cu an khua mirum le upa tampi nih sunglawi ngaiin an rak don hna. Genevi kalnak ahcun lam thluanchuak in puan an phahpiak i zapi cu kan hmu kho sual lai lo tiah pakhat le pakhat an i eng lulhmalh hna. An bawinu an hmuh cun an khuami dihlak in an i lawm i an tha a nuam. Aa citmi rangin a hung tum i mi vialte kha an kut a tlaih dih hna. Cukum lila ahcun an ramchung i a ummi vialte an lahkhah karh dingin Count Sigfrad nih nawl a pek hna. An i lawmh tukah an mitthli a tla. Count Sigfrad sinah mi tampi nih lunglawmhnak bia an chim.

Image result for genevieve of brabant

Siangpahrang inn nganpi ah Count Sigfrad le Genevi cu khua an sa. Sihmanh sehlaw an i lawmhnak nih sau a nguh hin hna lo. Thlakhat tluk ceo an um hnuah zualko pakhat a hung tli i, “Mosolam ral atho i Moor hnanih Spain ram an hunlak hnuah French ram zong an hun chi mi thi tampi a chuak cang” tiah Count cu an rak chimh. French ram bawibik nih khulrang tein a ralkap he rak pok hna seh, a si khawh ahcun tuzan hrimhrim in rak tho hna seh an ti, tiah a rak chimh. Cuticun Count Sigfrad khua cu khuaza tuaiin aa tuai i a nupi Genevi hoi cu atih tuk le a thin aphan tukah a hmai zong a daang dih.

Image result for genevieve and siegfried story

Count nih khulrang tein a ram ralkap vialte a auh dih hna i an hriamnam he an rak phan dih. Count Sigfrad nih raltuk i a kal karah an khuachung uktu ding le zeizong ah aiawhtu tha tein a chiah tak hna. A ralkap vialte cu an inn hmai tuallai ah a dirter hna i a phung a sitawn bangin anupi nih Count sinah cun a ngun nam apek. A nupi nih cun ram le Pathian caah sualnak a ngei lomi hna chanh dingin va kal law, Pathian tu nih ngandamnak inpe ko seh, ati i a vapa cu a liang in ahun kuh.

Image result for genevieve of brabant

Count zong nih, “Ka dawt bikmi Genevi, na thinphang hrimhrim hlah,Pathian nih khua a khan lai i a ho kut hmanhah ka tla lai lo” ati. Genevi nihcun, “ Va thi sual ko law tah, kei hi zeitindah k arak um hnga” tiin a hmai a hup i a tap. Count nih “ Pathian kan tih poh ahcun a hohmanh tihding an um lo.

Image result for genevieve of brabant

Kan ram zohtu dingah mifel ngaite pakhat ka thim cang i cu pa zong cu Pathian nih a zohkhenh ve lai, hnangam tein rak um ko Pathian belte rak philh hin hlah Pathian sinah thla rak ka cam piak zungzal” ati. Muko fakpi in an hun tum i ralkap cu a runrun in an kal thluamah. Genevi nih an liam hlan lote aconh hna , cuni cu chunnitlak in atap.

A lettu: John

Geneve tuanbia ca in arel kho lo mi caah a “aw” in ngeih khawh a si.

Be the first to comment

Leave a Reply

Your email address will not be published.


*