Jan 11, 2020 zaan, Thantlang khuachung inn kang mi le thihlohnak a tongmi chungkhar Dawng 4 hna cu Sianginn Sang mino hna nih Bawmhnak an pek hna..

 

Jan 11, 2020 zaan, Thantlang khuachung inn kang mi le thihlohnak a tongmi chungkhar Dawng 4 hna cu Sianginn Sang mino hna nih Bawmhnak an pek hna..

Atu bantuk in Thantlang Sianginn Sang mino hna nih meikangh ruangah harnak a tongmi hna chungkhar, khar 4 hna bawmhnak an pek mi hna zoh tik ah lung a hmui hringhran, nan tuahsernak zong cawn awk tlak taktak asi.

Hi innkangh ruangah thihlohnak in siseh, harnak a tongmi hna chungkhar dihlak caah Thantlang, Sianginn Sang mino hna nih an ti khawh tawk chuah in bawmhnak an pek mi hna hi Tangka in Sing 1424000 kyats asi.

Atu bantuk bawmhnak an peknak ahhin Thantlang khuachung ummi Sianginn Sang mino lawng nih an bawmhmi hna asi. Ramleng lei cu an i tel kho rih lo.

Sianginn Sang mino hna hi Thantlang khuachung ah ai funtom kho ngaimi an si piin ah tuahding an i hmaithlak mi ah lungrual tein a tuah tuan kho ngaimi an si fawn.

Atanglei langhter mi hi Chinram kulh Cozah nih bawmhnak an pek ve mi hna asi, nain Cozah nih a bawmhmi nak in Sianginn Sang mino nih an bawmhmi tangka fang cun a tam deuh.

Image may contain: 4 people, people standing, mountain and outdoor

Chinram kulh Cozah nih Inn kangh in harnak a tongmi chungkhar hna cu Tuchung Jan 12, 2020 ah Thilri zei mawzat le Tangka Bawmhnak an rak pek ve hna.

Image may contain: 3 people, people standing

Harnak a tongmi chungkhar minung 15 caah nisarih chung eiding caah tangka sing 1331500 an bawmhchih hna. Cun Khua nu/pa, Company Cozah zung lei leĀ  a dangdang hna zong nih bawmhnak an pek ve hna i, tangka fang in sing 13 zong an bawmh ve hna.

Image may contain: 2 people, people standing

Harnak a tongmi chungkhar hna caah bawmhnak hi tangka fang in sing 4331500 a chuak. Hi bawmhnak pek ni ah Chungkhar lei aiawh in U Kep Tu nih lunglawmhnak bia zong a chim ve.

Be the first to comment

Leave a Reply

Your email address will not be published.


*