Nunnak Thazaang Baibal Caang Thim

Ngaihchiat Lungretheih Ton Lio Caan

Cun aa thaw hi, “ Ka nu paw chung in taklawng in ka chuak i taklawng in ka kir than lai; BAWIPA nih a ka pek i BAWIPA nih a lak than; BAWIPA min cu thangthat si ko seh,”tiah ati. ( Job 1:21)

Image result for bible

Ka cung ah harnak le nganfahnak kha na tlunter, sihmanhsehlaw nangmah nih ka thazaang kha na ka pek than lai i, thlan chung in na ka khamh lai. Hmasa nak in a ngan chinchin ah na ka ser lai, nangmah nih hnangamnak na ka pek than lai. ( Salm 71:20-21)

Image result for bible

BAWIPA cu zaangfahnak le dawtnak in akhat, athin afual i a fekmi dawtnak in akhat. Mawhchiat chih lengmang kha ahmang lo i thinhung zungzal in a um lo. Hmuh awk kan i tlak ning in dan akan tat lo, kan sualnak le thatlonak kan tuahmi ning zong in a kan lehrul lo. (Salm 103:8-10)

Image result for bible

A dermi le a baami kha thazaang a pek hna. A nomi hmanh kha an tha a der tawn i tlangval hmanh kha an tha a baa kho. Sihmanhsehlaw BAWIPA aa bochanmi cu thazaang thar an la. Mupi bang in an zuang lai; an tlik tikah an baa lai lo, an kal tik zongah an tha a di lai lo. ( Isaiah 40:29-31)

Image result for bible

Israel, nangmah an sertu BAWIPA nih hi tihin ati: na thin phang hlah,kan huhphenh lai. Nangmah cu na min in kan auh, keimah ta na si. Ti thuk na tan tikah na sin ah ka um lai, harnak na in tikah na tei lai lo. Mei alh na ton tikah an kangh lai lo,harnak na inmi nih an hliam lai lo. ( Isaiah 43:1-2)

Image result for bible

BAWIPA nih a thawnnak in a ka khahter. Sifakmi hna sin ah thawngtha phorh awk le lung a kuaimi hna damter awk le sal i a taangmi hna sin ah chuahnak than hawk le thong chung i a ummi hna sin ah luatnak chim awk ah a ka thim i a ka thlah. BAWIPA nih a mi cu akhamh cang hna lai i a ral cu atei cang hna lai, ti chimh kha a ka fial. (Isaiah 61:1-2)

Image result for bible

Pathian nih hin, amah a dawmi hna caah le amah nih aa tinhmi ningin a kawhmi hna caah cun, zeizong vialte hi atha lei ah a serpiak ko hna ti kha kan hngalh. (Rom 8:28)

Image result for bible

Nan i ruahchanmi thawng khan nan tha nuam ko u; harnak nan in tikah lung sau thinfual in um ulaw thla cam zungzal u. (Rom 12:12)

Tukforhnak nan cung i a tlungmi hi mi dang zong nih an in cio tawnmi an si ko. Pathian nih a biakamnak cu azulh ko lai i nan in khawh leng tiang in tukforhnak cu nan cungah a tlunter lai lo. Tukforhnak nan in tikah in khawhnak thazaang an pek hna lai i chuah khawhnak lam zong an serpiak hna lai. (I Korin 10:13)

Image result for bible

Kan derthawmnak ah siseh, nihsawhnak le harnak le hremnak le temh innak ka hmuhmi ah siseh, khrih ruanah ka lawm ko; zeicahtiah ka derthawm tikah hi ka thawn a rak si. (II Korin 12:10)

Image result for bible

Zeithil kong hmanh ah lungrethei in um hlah u. Thla nan camnak ah BAWIPA cu nan herhmi kha hal ulaw nan hal tikah lunglawmte in hal zungzal u. Cun Pathian daihnak, minung hngalhnak a lonhtu nih cun, Khrih Jesuh chungah nan lungthin le nan ruahnak cu himte in a chiah lai. ( Filipi 4:6-7)

Image result for bible

Sihmanhsehlaw Pathian nih fekte in a bunhmi hram cu hninh khawh a si lo, cu hram cungah cun “BAWIPA nih a mah ta a simi cu ahngalh ko hna” ti le BAWIPA ta ka si a timi paoh nih cun palhnak a tuahmi kha a ngol awk asi ti kha an itial. (II Timote 2:19)

Image result for bible

Cu caah cun athawngmi Pathian kut toi ah toidor tein khuasa ulaw a mah nih a caan a rem ati tikah an hlorh te hna lai. Amah nih an zohkhenh hna caah nan lungretheihnak vialte kha a mah cungah chia dih ko u. (I Peter 5:6-7)

Image result for bible

Relchih ding

Job 2:10, Salm 46:1-16;90:15; 121:1-8;130:1-8; Isaiah 42:21; Habakkuk 3:17-19; II kor 4:17; Isaiah 55:1; Job 5: 17-18

Laknak : LBC nubu nih chuahmi, Nunnak Thazaang Baibal Caang Thim cauk chung

Be the first to comment

Leave a Reply

Your email address will not be published.


*