Nunnak Thazaang Baibal Caang Thim

ZAWTFAH DAMLONAK KAN TON CAAN AH

BAWIPA nih a huhphenh lai i a nunnak kha a zuah lai; ram chungah lunglawm in a umter lai i a ral hna kut chungah a kaltaak lai lo. A zawt tikah BAWIPA nih a bawmh lai i a damter than lai. (Salm 41:2-3)

Image result for bible

Ihkhun cung i ka ih tikah nangmah cu kan thei, zankhuadei nangmah kha kan ruat, zeicahtiah nangmah cu a ka bawm tu na si zungzal. Na thla tang ah lomh nak he hla ka sa. Nangmah kha kan tlaihchan i na kut nih himte in an ka um ter. ( Salm 63:6-8)

Hmuh lomi thil tihnung vialte le thihnak zawtnak vialte chung in himte in an huhphenh hrimhrim lai. A thla in an huh lai i himte in na um lai; zumh awk tlak a si nak nih khan an huhphenh lai i himte in an umter lai. (Salm 91:3-4)

Ka sualnak vialte kha a ka ngaihthiam i ka zawtnak vialte kha a ka damter; thlaan chung in a ka khamh i dawtnak le zaangfahnak he thluachuah a ka pek . (Salm 103:3-4)

Image result for bible

A cheu cu an sual ruangah an zaw, thatlonak an tuah ruangah temhnak an ing; rawl kha a mui hmuh hmanh an duh lo i an thi dengmang. An harnak chungin BAWIPA kha an au hi temhnak an inmi chung cun akhamh hna. A nawlbia in a damter hna i thlaan chung in a khamh hna. (Salm 107:17-20)

Image result for bible

Asinain zawtnak a inmi cu kanmah nih kan rak in hngami kha a si i nganfahnak a tuarmi cu kanmah nih kan rak tuar hngami kha a si. Temhnak a inmi cu, Pathian nih a cungah dantatnak a tluntermi a si, tiin kan rak ruah zungzal. Sihmanhsehlaw hma a in cu kan sual ruangah asi i tuknak a huah cu kan thatlo ruangah arak si. A inmi dantatnak in luatnak kan hmu i an tuknak vual in damnak kan hmu. (Isaiah 53:4-5)

Image result for bible

Mi nih nang cu, “ Thawlmi, hawikom zeihmanh a ngei lomi Zion, an in ti nain, Cuar thar cu kan corhter than lai i nah ma cu kan damter than lai,” tiah BAWIPA nih ati. ( Jeremiah 30:17)

Image result for bible

Jesuh cu Peter inn ah khan a va kal i Peter nupi nu kha a rak zaw i ihkhun ah khan a rak ril ko. A kut kha a vun tongh i a taklin cu a dai i a tho i annih kha a bultawl hna. Hi a tuahmi hi, profet Isaiah nih, amah hrimhrim nih kan zawtnak kha a phorh i kan dam lonak kha a kalpi tiin a rak chimmi tlinternak caah khan asi. (Matthai 8:14-15,17)

Image result for bible

Nannih nan dih lak le Israel mi vialte dihlak nih nan hngalh awk cu, hi pa dam hirhiar tein nan hmai ah a dir khawhnak cu Nazareth khuami Jesuh Khrih, nan nih nih nan thah i Pathian nih thih nak in athawhter thanmi a min thawnnak thawng in si. (lamkaltu 4:10)

Image result for bible

Khrih nih apum hrimhrim in kan sualnak cu vailamtahnak ahkhan a kalpi i cucaah kannih cu sualnak ah khan kan thi cang i dinnak ah kan nung cang. A hma in nan dam cang. ( I Peter 2:24)

Image result for bible

Relchih ding

Salm 46:1-2; Matthai 3:35,10:8,14:36; Mark 5:29, 7:31; Luka 7:11-17, 13:10-13, 18:35:47, Johan 4:43-51; Isaiah 38:1, 65:1-2, lamkaltu 3:3-8

Laknak : LBC nubu nih chuahmi, Nunnak Thazaang Baibal Caang Thim cauk chung

Be the first to comment

Leave a Reply

Your email address will not be published.


*