Nunnak Thazaang Baibal Caang Thim

Mi Thangchiat i sum

BAWIPA nan Pathian min cu ningcang loin hmang hlah u, ning cang loin ka min a hmang mi cu dan ka tat hna lai. Nan minung hawi cungah tehte ding lo nan si lai lo. ( Exodus 20:7,16)

Na mi hna lakah mi kong thang ceih in vak len ko hlah, na inn pa nunnak hrawk awk ah dir hlah: keimah hi BAWIPA  cu ka si. (Levitikas 19:16)

BAWIPA, na biak inn chungah a hodah a lut lai? Na tlang thiang Zion cungah ahodah a um lai? Mi congoih ahmang lo i hawikom cung ah thatlonak a tuah lo i a innpa a congoih lo i a karh la loin mi tangka a coih i a sual lomi hna sual phawt awk ah ziknawh pek khawh lomi an si. (Salm 15:1,3,5)

Lih in midang sual a puhmi cu, mi sual an puhnak hna ah khan thluachuak hna hlah seh; mi puarhrang cu that lonak nih khan tlak hna sehlaw hrawk hna seh. (Salm 140:11)

Mi congoih a hmangmi kha daihter kaa zuam hna lai i mi porhlaw hna le mi ruamkai hna he cabuai i thutti cu ka hrial lai. ( Salm 101:5)

BAWIPA nih a haut mi thil pa ruk a um, a fih mi thil pa sarih an um: Por hlawtnak mit, lih chim hmang mi lei, a sual lo mi thisen chuahtu kut, thatlonak khua akhangtu lungthin, That lonak lei i khulrang in atli mi ke, Lih a chim lengmangmi tehte le U le nau karlak i rem lonak thlaici a tuhtu. ( Phungthlukbia 6:16)

Aa chok lengmangmi mi hmursau cu biathli phuan hmang mi an si, Sihmanhsehlaw zumh awk tlak a simi nih cun thil kha a lung chungah a thuh hna. ( Phungthlukbia 11:13)

Thing a um lo ahcun mei cu a mit, A thlite in a chim depmap tu um lo nak hmun ahcun siknak a dai. ( Phungthlukbia 26:20)

Bia nan i ruah tikah mi ca thatlonak bia hmang hlah u. Mi ca i san a thlami, a herh mi zawn i that nak a chuahpi tu le a theimi thluachuah vanluh a petu ding bia lawng kha hmang u. Cun Pathian Thiang Thlarau kha a ngaihchiatter hlah u; zeicaah tiah Pathian ta nan si hmelchunhnak le Pathian nih an luatter hna Ni cu a phan lai ti aamahkhan cu Thlarau cu asi. ( Efesa 4:29-30)

Kan dihlak hin palhnak kan tuah cio tawn. A biachim ah palhnak a tuah lomi cu mitling a si i apum aa uk kho mi asi. kan nawl kan ngai seh tiah rang cu chak kan hlomh i kan duhnak ah kan kalter. Cun sangphawlawng khi ruat rih hmanh u: thil nganpi a si i a thawng ngaimi thli nih a kalter, sihmanhsehlaw lawng mei zahnak hme te nih a uk i a congtu pa nih a duhduhnak ah a kalter. Cu bantuk te cu lei hi a si: thil hmete asinain ngan pipi in aa porhlaw tawn. (Jeim 3:2-5)

Meici hmete nih ram kaupi a khangh tawn kha ruat hmanh u. Lei cu mei bantuk asi. Thiltha lo aa hlumnak kha a si i kan pum chungah hin a dihlak khan thatlonak cu avahter. Kan nunnak hi a dihlak in mei in a khangh i cu mei cu hell in athomi mei asi. Minung nih thilnung dang vialte hi hrem khawh lomi an ngei lo, ramlak saram si hna seh, va si hna seh, a lawn in a lawn mi si hna seh, nga si hna seh, an hrem khawh dih hna. Sihmanhsehlaw lei cu a hrem khotu ahohmanh an um lo. Lei cu thil tha lo, uk khawh lo mi, thihnak sivai in a khat mi a si. Kan BAWIPA le kan Pa a si mi Pathian thangthatnak caah kan hman i Pathian mui in ser mi kan minung hawi chiatserhnak ah kan hman fawn. Thangthat nak bia le Chiatserhnak bia kha kan kaa pakhat chung cun an chuak. Ka u le ka nau hna, hitihin cun asi awk a si lo. (Jeim 3:5)

Laknak : LBC nubu nih chuahmi, Nunnak Thazaang Baibal Caang Thim cauk chung

Be the first to comment

Leave a Reply

Your email address will not be published.


*