Tangka in cawk khawh asi lo mi thil phun (5)

Hi vawlei kan nun chungah tangka lawng te kan i bochan peng ko asi ahcun a tanglei kan langhter mi hna hi kan sung ko lai.

1.. Caan

Caan hna hi tangka in cawk awk a tha lo mi  le a sunglawi tuk mi an si. Tangka kan hman i a dih cangmi cu kawl khawh than asi nain caan cu a kal cang hnu ahcun khirh awk zong a tha ti lo i cawk awk zong a tha lo mi asi. Cu caah a caan lio ah zeithil paoh hi tuah khawh i zuam cio hna usih.

2.. Dawtnak

Minung pakhat i a takpum cu tangka nih tlaihkhih khawh ko nain mah nu/pa i dawtnak a rak ngeih mi cu tangka zong nih a tlai kho lo i a cawk zong a caw kho lo. Cu caah tangka nakin dawtnak hi a biapi in a lianngan deuh.

3.. Fimthiamnak

Fimthiamnak cu tangka in cawk awk a tha lo mi asi, mi fimthiam pa cu a minung he tangka in hlan i hmankhawh asi ko nain a thih tik ah a fimthiamnak cu ai kal pi ko, chiah ta awk le kal tak awk a tha lo.

4.. Ngandamnak

Zawt damnak ding caah tangka nih sii ai hna cu a cawk khawh ko nain damnak tlamtling taktak cu tangka nih a caw kho lo, cu caah tangka kawl pah in na ngandamnak zong kha ruat chih.

5.. Hawikomtha

Micheu cu tangka ngeimi lawng mi komh an hmang theu. Mah bantuk pawl cu tihnung ngaingai mi hawikom kha an si. Mah bantuk minung an si ti na theih cun hrial colh ko hna. Nain hawikom tha timi cu zei bantuk dirhmun na phak zong ah ruahnak an cheuh peng lai. Phungthluk zong ah “Hawikomtha cu sui le ngun an si” ti zong a um.

Chirchanh: tameelay.com

Be the first to comment

Leave a Reply

Your email address will not be published.


*