Naupawi mi nu nih Sangphaw (papaya) a ei ah nau a rawk taktak maw?

Naupawi mi nu nih Sangphaw (papaya) a ei ah nau a rawk taktak maw?

An chim lengmang,cun  Ca zongah an tial lengmang mi cu Nau pawi lio nu nih Sangphaw a ei ahcun nau ai rawk, tiah tial le chim lengmang asi. Mah cucu Laimi kan zapi ti awk in kan zumh i Nau pawi lio ah Sangphaw ei cu kan hrial hna.

Ei ding lei kong he pehtlai in ( Nutrition training) zarhkhat chung ka kai mi chungin, naupawi nu nih sangphaw ei a that le that lo kong cu a tawinak tein  chimfian ka van duh ve.

Nutrition Training hi Yangon ah  “Save the  Children” nih Feb 11 – 17, 2019 tiang “Hotel H Valley Yangon” ah training cu an kan pek. Cu ahcun Naupawi nu nih Sangphaw ei ah a tha maw tiah Biahal nak kan ngeih hna. An ka leh mi cu..

Ei a that lo nak..

“Naupawi lio ah Sangphaw a kuh (haal) mi nih nau cu a hrawh khawh taktak ko, a ruang cu Sangphaw a kuhmi (a thling) nih cun Nau inn kha a conter i, cu nih cun nau kha a reh tik ah nau zong cu a rawk taktak ko ee” an ti. Cu caah Sangphaw Haal mi cu naupawi nih cun ei hrial ding kha asi ko.

Ei a thatnak..

“Sangphaw a hmin mi nih cun nau a hrawk lo tiah an ka leh, a mah bel te, a hrawk pat lo, ka duh pat cu teh tiin tamtuk ei bel te cu i sum ding asi”   Sangphaw a hmin mi cu nau pawi lio ah ei khawh kha asi ko i, a za tawk in eipiak ahcun nau zong  a hnursuan lo.

Sangphaw hi zeiruang ahdah kan ei awk asi, Sangphaw nih hin takvun a hninghno ter lawng si loin takvun lei zawtnak pawl zong kha a kham khawh.  Kan pum cells pawl zong an tha a thawn ter.

Sangphaw eipiak nak nihhin Mit zong a thatter pin ah antioxidants ngahkhawh nak dingah a hrampi asi tik ah cancer zawtnak zong  a kham khawh, cu caah nitin te kan herhmi Vitamins le Antioxidants kan ngahkhawh nak ding ahcun sangphaw hi eipiak ding asi.

sangphaw ahhin nitin kan taksa nih a herh taktak mi Vitamin A, Vitamin C, Vitamin E le antioxidants pawl hna hi tling khitkhet tein an um. Cun sangphaw hi antioxidants kan ngahkhawh nak ding caah a hrampi (source) bak asi fawn. Cu caah sangphaw hi eipiak lengmang ding kha asi.

Credit: Dohphit

 

 

 

Be the first to comment

Leave a Reply

Your email address will not be published.


*