Virus le bacteria aa dannak

Mirang biafang ‘virus’ le ‘bacteria’ hi zawtnak a chauhtertu le akarhtertu veve an si nain an i khat lo. ‘Virus’ cu amah tein a nung kho lo i ‘bacteria’ tu cu a mah tein a nung khomi a si. Hi hna pahnih hi a fa tete an si caah minung mit in hmuh khawh an si lo. Mircroscope timi zohnak in hmuh khawh an s ii bacteria hi virus nakin a let in alian deuh.

Virus kan ti mi nihcun a nunnak dingah midang tu aa hngat chan. Tahchunhnak, minung kan chungah virus cu a nung i a karh kho. Bacteria tu cu a leng ah amah tein a nung i a karh kho. Tahchunhnak, vawlei , ti, thingkung ti bantuk zongah a nung kho.

Virus zawtnak cheukhat hna cu cumpit tlangrai, hmaihu, pawlio, AIDS le COVID-19 tehna hi an si. Bacteria zawtnak cheukhat cu namawnia (pneumonia), TB (tuberculosis), senten (tetanus) le eimi rawl ah sivai chuahter (food poisoning) tehna an si.

Miring biafang pawl kha Laiholh bakin leh cio dingah a laklawh ngai. Laiholh hin aphunphun in kan hman cio hna i acheukhat cu hrik, rungrul, rai, tlangrai, pul le pulrai tehna an si.

Laknak: Fidi Cazual

Be the first to comment

Leave a Reply

Your email address will not be published.


*