DAWTNAK

DAWTNAK

A porhlawmi fimnak si loin tang aa dormi dawtnak nih vancung innka a cawngh. (Adward Young)

Dawtnak a ngeimi lungthin cu vawleicung paradise a si. Pathian kha aa ngeih. Pathian cu dawtnak a si. (Lamennais)

Dawtnak a umnak ahcun nunnak zong a um i huatnak cu rawhralhnak leiah a kal. (Mohandas Karamchard Gandhi)

Dawtnak cu dawtnak nih a hrin. (Sophoeles)

Dawtnak ka tuah khawh nakhnga zeidah ka tuah lai? Zumhnak ka ngei lai. Zumhnak ka ngeih khawh nak hnga zeidah ka tuah lai? Dawtnak ka ngei lai. (Robert Leghton)

Dawtnak nih dawtnak a hmuh, cawk khawhmi asi lo. (Henry Wadswoth Longfellow)

Vawlei a mer tetu hi dawtnak asi. (Anon)

Dawtnak nih misual mithalo kha natlang nih khuasik tikhal a titter bang a sining a thlen khawh. (Francis Quarles)

Midang kha va daw hna law an in dawt ve ko lai. (Ralph Waldo Emerson)

Mi pakhat kha lungthiang te le lungtak tein daw law midang zong na dawt dih ko hna lai. ( Jean Paul Richter)

Na innpa na dawt tung lo ahcun, Pathian ka dawt na ti cu pakpalawng a si.(Francis Quarles)

Nunnak i a nuamhnak bik cu dawtnak asi. (Sir William Tample)

Pakhat le pakhat kan i thei, kan i upat, kan i daw, cun kan i then hna. Cuticun kan nunnak tuanbia hi ngaihchia lungkuai ah kan ser. (Samuel Taylor Caleridge)

Tampi a hngalmi si loin dawtnak tampi a ngeimi tu khi Jesuh zultu an si. (Frederick Spanheim)

Laknak: Mifim Bia Cauk chung

Be the first to comment

Leave a Reply

Your email address will not be published.


*