HNEKSAKNAK KAN TON TIKAH I LAWM USIH!

HNEKSAKNAK KAN TON TIKAH I LAWM USIH!

Hneksaknak nan inmi cu nan zumhnak kha a tak maw tak lo ti hngalhnak caah a si lai. Hrawh khawh a simi thil cu, sui hmanh hi hneksak a hau, cucaah sui nakin let tam piin a sung deuhmi nan zumhnak cu, hneksaknak kha chuak lakin a in khawh nakhnga, hneksak a hau ve. Cun Jesuh Khrih a langh Ni ah cun thangαΉ­hatnak le upatnak le sunparnak kha nan hmuh lai.(1Peter 1:7)

Tukforhnak cu Satan khuachia sinin a rami a si. Sihmanhselaw ‘Hneksaknak’ cu Pathian sinin a rak rami a si. Hneksaknak kan tonmi cu zumhnak i kar kan hlan lio cuahmah ah kan zumhnak a fehnak dingah a si. Sui khi vawlei tangin an cawk i an lak hnu ah mei in an chuan. Hnawmtam le a chiami kha a lo dih i a thami a tang. Cucu sui tumpul, thi le kutdonghrawlh tehna ah an hman. Cu bantukin hrawh khawh a simi sui hmanh hneksah a herh i, cu nakin a sunglawi deuhmi kan zumhnak cu hneksak a herh hrimhrim tiah a ti.

Sianginn kan kai tikah tangli in tangnga kan kai khawhnak dingah camipuai phit a herh. Cu camipuai cu kan awn lawngah tangnga kan kai kho lai. Cu bantukin hneksanak cu zumtu hna kan camipuai a si. Cu kan camipuai a simi hneksaknak cu kan awn i kan tei hrimhrim a herh i cu kan awn le kan tei khawhnak dingah cun thlacamnak le Bible relnak a si. Cu ticun zumhnak ah kan fek chin lengmang lai i kan Bawipa Jesuh he kan i ton tikah cun thangthatnak le sunparnak kan hmuh te lai. Hneksaknak nan tei kawhnak dingah Bawipa nih thluachuahnak in pe ko hna seh!Amen.

Laknak: Abraham Sang Nawl’s Sermon Page

Be the first to comment

Leave a Reply

Your email address will not be published.


*