HLIAHCAANG PHIN(Rheumatoid Arthritis) Zawtnak a chuah ning…

Hi zawtnak a ngeimi cu an hliah le an caang hi, afaak, a phing. amah dam tein a dam than. A puang than. Hitihin a dam chel, apuan chel asi. Caan sau a rauh ahcun, an kut hliah, an ke hliah pawl an i rawk. An kut an sum kho lo. Thawng tertur in a um. An kedong zong cu thiamthiam in a um ve. An kutdong, an kedong hi a hak. Athom. A hnu ahcun anruh hi a va ei. An tit hi a zor thliahmah.

Achuah ning –

  1. Kum le khua(Age) : Kum 40 hrawngah a chuak duh bik. asinain zeitik paoh ah a chuak kho ko. tleirawl si hlan tu ah cun atlawm.
  2. NuPa(sex) : Nu ahhin a chuak deuh. Pa nakin nu ah let hnih let thum in a tam deuh.
  3. Khuacaan (climate) : A linhnak hmun nakin a kihnak ah a chuak deuh. A kik, a daammi khuacaan a ngeimi ram ah achuak deuh.
  4. Cikor (Hereditary) : Hi zawtnak hi ci le kor zonga zul ve.
  5. Pumrua (Bodily constitution) : A der thawmmi pumrua a ngeimi ah achuak deuh. Nu kum 20 in 40 ah achuah ahcun, pum le rua, derthawm le thau hi a pehtlai khun.
  6. Zawtnak (Infection): Rheumatoid arthritis timi hliahcaang fah cu zawtnak rungrul he pehtlaihnak a ngei lo.
  7. Thinlung le ruahnak (Psychological Foctors): A caan ahcun, lungretheih, thinphan thlalau, khuaruah tam ahhin a chuak duh khun.
  8. Rawlei tidin(Nutrition): Rawlei tidin he hin pehtlainak a rak um lem lo tiah an rak ruah nain, atu ahcun, leitang chuak tirawl , abianaah, Ba, aalu, bahra tehna le sa chungril nih hin a zualter deuh ti hmuh asi cang.
  9. Kal cung i a ummi (Adrenal gland) nih mineralocorticoid hormones timi dah tampi a chuah tikah, hliahcaang fah a chuak ve ti asi. A bik in, thlalau le lungretheih (stress) ah a chuak khun.

Ch: innchungkhar siibawi by Dr. Hmuh Thang

Be the first to comment

Leave a Reply

Your email address will not be published.


*