๐๐š๐ญ๐ก๐ข๐š๐ง ๐๐ข๐š ๐€ ๐“๐ก๐š๐ญ๐ง๐š๐ค ๐ฅ๐ž ๐€ ๐“๐ก๐š๐ฐ๐ง๐ง๐š๐ค ๐‡๐ฆ๐ฎ๐š๐ฅ

๐๐š๐ญ๐ก๐ข๐š๐ง ๐๐ข๐š ๐€ ๐“๐ก๐š๐ญ๐ง๐š๐ค ๐ฅ๐ž ๐€ ๐“๐ก๐š๐ฐ๐ง๐ง๐š๐ค ๐‡๐ฆ๐ฎ๐š๐ฅ
**********************************************
Vawlei cung minung vialte nih ni khat ah suimilam 24 kan ngei. Cu chung ahcun riantuan caan, ih caan, i dinh caan, lenvah le lente celh caan, computer, TV zoh caan, rawl ei tidin caan ti bantukin suimilam 24 chung cu kan hman cio hna. Asinain zumtu cheu khat cu Pathian he caan hmantinak beltu cu kan ngei bal hna lo. Zeidang ahcun kan caan kan pek zuam i kan i manh ngai nain, Pathian bia relnak le thlacamnak tu ahcun caan kan pek kho lo. Kan i manh lo tuk cu a si hnga maw?

Kan taksa a damnak, a thawnnak le a nun khawhnak dingah nifa tein rawl ei le ti din a herh. Rawl lo le ti loin minung nih nun khawh a si lo. Ni hnih -thum rawl kan ulh hmanh ah kan tha a dih i, rian kan tuan kho ti lo. Cu bantukin kan thinlung, kan ruahnak le kan thlarau a dam i a thawn khawhnak dingah ti le rawl pek a herh ve. Cu ti le rawl cu sui le ngun, chawva, tangka le thilpuan hna an si lo. Pathian bia le hla, thlacam lawng hi a si.

Pathian bia kan rel tik le thla kan cam kan thlarau caah thazaang le thawnnak a si. Cun kan thinlung le kan ruahnak a nuam i a dam. Cutikah kan taksa ca hrimhrim zongah damnak a si. Pathian bia relnak le thlacamnak nih Pathian nih a duhnak le a Biathli a kan theihter. Cu Pathian bia nihcun a chia le a tha thleidan khawhnak a kan pek i, sualnak chungah a kan kalpi kho lo i, lamding tu ah a kan hruai. Salm 119:165 ah ”Na phunglam a duhmi cu him tein khua a sa i a tlukter khotu hna zeihmanh a um lo” tiaha ti. Pathian bia cu nifate kan kalnak lam a kan hmuhsaktu a si. Salm 119:105 ahcun โ€™โ€™Na Bia cu ka ke caah meiin a si, ka lam caah ceunak a siโ€™โ€™ tiah a ti.

Pathian Bia nihcun thawnnak a kan pek caah kan ral Satan ral cu kan doh khawh i zeibantuk tuhforhnak zong kan tei khawhnak a si. Satan nih Jesuh Khrih kha a phunphun in a rak tukforh lioah Jesuh nih Pathian bia in a rak tei. Vawlei cung nuamnak, minung taksa in a chuahmi sualnak le Satan riantuannak hna cu Pathian Bia lawng in tei khawh a si. Hebru 4:12 ahcun โ€™โ€™Pathian bia cu a nung i a thawng. Kap hnih har vainam nakin a haar deuh ..โ€™โ€™ tiah a ti.

kan khuaruahnak a tha lomi le kan thintawinak tehna hi Pathian Bia lawng nih a kan sersiam khawh i a kan remh khawh. Kan lungretheihnak le kan ngaihchiatnak le kan harsatnak tehna hi Pathian Bia lawng nih a kan hnemh khawh. Salm 119:143 ahcun โ€™โ€™Harnak le lungretheihnak in ka khat, sihmanhselaw na nawlbia nih an ka lawmhterโ€™โ€™ tiah a si.

Hi tlukin thawnnak hmual a ngei i a thami Pathian bia Baibal cu kan dihlak in nikhat ah minutes 30 te hi cu caan pekin rel khawh cio rak i zuam hna u sih. Cu ti kan rel ahcun tukum (July โ€“Dec) tiang kum cheu chungah Baibal ca uk kan chuah dih ko lai. A reltu nan dihlak Bawipa nih thluachuahnak in pe ko hna seh!Amen

Laknak: Abraham Sang Nawl’s Sermon page

Be the first to comment

Leave a Reply

Your email address will not be published.


*