π“π‡πˆππ‹π”ππ† 𝐏𝐔𝐓

π“π‡πˆππ‹π”ππ† 𝐏𝐔𝐓

Na thinlungput le na ruahnak a dik i a that ahcun zeibantuk hmunhma le zeibantuk minung sin zongah na buai kho bal lai lo i, na nuam peng lai i na lawm peng kho lai.

Asinain nangmah thinlung put le ruahnak a kawi i a thatlo ahcun khawika hmunhma le zeibantuk minung sin zongah na tlumtla kho lai lo i, na nuam in na lawm kho lai lo. Nanmah le nangmah zeihuaha lo le a herh lomi ah na buai peng lai i na thin a har peng ko lai.

Mi cungah nahchuahnak na ngeih ahcun na nahchuahmi hna an thancho tik ah na thin a hung lai, na ngeih a chia lai i na thinlung a zaw peng lai. Amah kong na ruah le amah na hmuh tik poah ah na thinlung a zawt pinah na taksa tiang a zaw lai.

Mi cungah dawtnak, zaangfahnak le mi thangthat na duh ahcun mi an thancho tik ah na lawm lai i, na thinlung a dam pinah na ngan zong a dam lai. Cucu thnlung put cu Bawipa nih a kan duhpiakmi a si.

β€˜β€™Nan lungput cu Khrih nih a rak ngeihmi lunhput kha siseh’’ (Philipi 2:5) Amen.

laknak: Abraham Sang Nawl’s Sermon page

Be the first to comment

Leave a Reply

Your email address will not be published.


*