𝗧𝗛𝗔𝗧 π—Ÿπ—’π—‘π—”π—ž 𝗖𝗨 𝗑𝗔 π—§π—›π—Ÿπ—”π—  π—–π—›π—¨π—‘π—šπ—”π—› π—¨π— π—§π—˜π—₯ π—›π—Ÿπ—”π—›!

 

𝗧𝗛𝗔𝗧 π—Ÿπ—’π—‘π—”π—ž 𝗖𝗨 𝗑𝗔 π—§π—›π—Ÿπ—”π—  π—–π—›π—¨π—‘π—šπ—”π—› π—¨π— π—§π—˜π—₯ π—›π—Ÿπ—”π—›!

Kan inn chung hi mileng khan siseh, ihnak khan siseh, rawl chumhnak khan siseh thiang tein kan phiah i kan thianh ko zongah a hnawmh than lengmang caah nikhat ah voi khat tal cu thianh a hau tawn.

Cu bantukin vawlei cung sualnak chung i a tlawng lengmi minung hna zong hi Bawipa dawtnak kan theih i kan pianthar hnu zongah hin kan thinlung ruahnak hi a hnawm than kho ve tawn.

Kan thin zong a phang kho ve, kan ngaih zong a chia kho ve i, kan thinlung zong a fak kho ve. Mi cungah nahchuahnak kan ngei kho i, a thiang hlim lomi thinlung le ruahnak zong kan ngei kho ve tawn ko.

Sihmanhselaw cu bantukin a thurhnawmmi thinlung thalo le ruahnak thalo kan van ngeih i, thinphannak le ngaichiatnak kan van ngaih sual ahcun David nih Bathsheba a ihpi i Pathian sinah sualngaih chih in thinlung tha le ruahnak a ngaih khawhnak dingah thlacam bantukin thlacam lengmang kan herh.

β€œMaw Pathian, ka chungah hin lungthin thar ka serpiak law, a thar le zumhtlak a simi ruahnak ka chungah chia ko’’(Salm 51:10) Amen.

Kan inn chung le kan thlam chungah hnawmtam a ummi kan phiah hna i, kan hlawnh tawn hna bantukin kan thinlung le ruahnak ah a lutmi le a ummi a thurhnawm mi poah cu i chiah loin thlacamnak in hlawnh le hlonh than lengmang hi a biapi tukmi a si.

β€œNa lungthin kha ding tein chia law, Amah leiah khan na kut zao tuah. Na kut chungah that lonak a um ahcun, lamhlatpi ah va hlonh tuah, thatlonak cu na thlam chungah umter hlah”(Job 11:13-14) Bawipa nih a Bia thluachuahnak kan pekpiak ko seh! Amen.|

laknak : Abraham Sang Nawl’s Sermon Page

Be the first to comment

Leave a Reply

Your email address will not be published.


*